«Abražaŭ relihiju i Boha». Čačency zajavili, što błohiera ŭ Maskvie nie vykrali, a «prafiesijna zatrymali» siłaviki
U Čačni prakamientavali rezanansnaje vykradańnie błohiera Areha Ščapichina prosta ŭ centry Maskvy.
Čačenski ministr pa nacpalitycy, źniešnich suviaziach, druku i infarmacyi Achmied Dudajeŭ zajaviŭ, što Ščapichina nie vykrali, a zatrymali. I ciapier palicyja pravodzić pravierku.
Pavodle jaho słoŭ, Ščapichin «zatrymany supracoŭnikami pravaachoŭnych orhanaŭ, jakija ŭzajemadziejničajuć z profilnymi viedamstvami Maskvy».
Ščapichina praviarajuć adrazu pa piaci artykułach, u tym liku za zhvałtavańnie, špijanaž, raspalvańni nianaviści i publičnyja zakliki da teraryzmu.
Jak adznačyŭ Dudajeŭ, na suviazi z maskoŭskimi pravaachoŭnikami deputaty Dziarždumy ad Čačenskaj Respubliki — mienavita jany i pieradali palicejskim infarmacyju ab Ščapichinie, piša Baza.
Dudajeŭ taksama raskrytykavaŭ telehram-kanały, jakija źviarnuli ŭvahu na vykradańnie čałavieka ŭ Maskvie ŭ siaredzinie dnia. Jon nazvaŭ hetyja kanały «pradažnymi».
«Miž tym, karystalniki sacsietak, nie pakutujučyja na nacyzm, adznačyli prafiesijnyja i zładžanyja dziejańni pravaachoŭnikaŭ, dziakujučy jakim ekstremist byŭ apieratyŭna zatrymany. Nie sumniavajusia, što ŭ jaho adnosinach buduć pryniaty ŭsie nieabchodnyja miery pracesualnaha charaktaru, jak taho patrabuje zakon», — adznačyŭ Dudajeŭ.
U palicyi Čačni zajavili, što błohiera abvinavačvajuć u abrazie pačućciaŭ viernikaŭ.
«Złačyniec Ščapichin, jaki adkryta, publična i nieadnarazova zaklikaŭ da etničnych čystak i nacyzmu, abražaŭ relihiju i Boha, a taksama vykazvaŭ vidavočna ekstremisckija pohlady i zajaŭlaŭ ab namiery zhvałtavańnia niepaŭnaletnich dziaciej, byŭ nie vykradzieny, a zatrymany», — havorycca ŭ paviedamleńni.
Nieviadomyja ŭ siaredzinie dnia siłaj zaciahnuli błohiera Areha Ščapichina ŭ bahažnik «Miersiedesa» ź mihałkami i śpiecyjalnymi numarami na Jarasłaŭskim vakzale ŭ Maskvie. Paźniej mašynu spyniła palicyja, ale samoha Ščapichina tam užo nie było.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»18
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary