Nacbank šukaje małyja pradpryjemstvy, ź jakich atrymajucca finansavyja hihanty
Nacyjanalny bank Biełarusi zapuskaje novy prajekt pad nazvaj «Novyja čempijony», meta jakoha — znajści i padtrymać małyja i siarednija pradpryjemstvy z vysokim patencyjałam rostu, raspavioŭ staršynia Nacyjanalnaha banka Raman Hałoŭčanka.
Nacbank zapuskaje prahramu padtrymki małoha i siaredniaha biźniesu z metaj vyraścić novyja «ekanamičnyja zorki» Biełarusi.
Nacbank, choć i zvyčajna nie zajmajecca takimi inicyjatyvami, skazaŭ Hałoŭčanka, ciapier choča bolš aktyŭna ŭdzielničać u raźvićci ekanomiki — šukać kampanii, jakija mohuć stać lidarami ŭ svajoj halinie.
Heta kampanii, jakija pakul jašče małyja abo siarednija, ale mohuć vyraści ŭ niekalki razoŭ, kali atrymajuć patrebnuju padtrymku.
Pryčyny, čamu jany pakul nie vyraśli, miarkuje Hałoŭčanka, — niedachop finansavańnia, arhanizacyjnyja prablemy, ci tam nie viedajuć, jak karystacca bankaŭskimi instrumientami.
Banki, jakija buduć udzielničać u prajekcie, buduć akazvać finansavuju i kansultacyjnuju padtrymku.
Kiraŭnik Nacbanka ŭžo naviedaŭ dva małyja biźniesy: syravarniu «HrandMiłk» (pad Maładziečnam) i kampaniju «Miechantek», što pracuje ź mietałareznymi stankami.
Ciapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła1
Kamientary
Papiarednim kreatyvam Hałoŭčanki byŭ vypusk 80-rublevych banknot.
Ale karektniej kazać pra kreatyŭnuju prakrastynacyju napiaredadni bury.
Tamu što na biełaruski bankaŭski siektar nabližajecca finansavaje cunami z uschodu.
Sprava ŭ tym, što Rasieju zaraz nakryvaje chvala defołtaŭ, niapłaciežoŭ dy bankructv, u tym liku z-za taho, što kredyty, ŭziatyja pa płavajučym staŭkam, va ŭmovach staŭki CB 20 adsotkaŭ biznes dalej absłuhoŭvać nia moža. Tamu ciaham 12 miesiacaŭ u Rasiei prahnazujecca mocny bankaŭski kryzis, ale reziervy ahiencyi strachavańnia ŭnioskaŭ (ASŬ) u Rasiei adnosna niavialikija. Zrazumieła, ŭsio heta pierakiniecca taksama i na Biełaruś, bo bolšaść prodažaŭ biełaruskich pradpryjemstvaŭ idzie u Rasieju. A kali niama vyručki - to niama čym raźličvacca z pastaŭščykami, padradčykami dy bankami. Taksama biełaruskija banki naprykancy kiravańnia Kałaŭra vydali šmat kredytaŭ rasiejskim zajomščykam pad harantyi rasiejskich bankaŭ, što niasie ryzyku adnačasovaj niepłaciežazdolnaści i zajomščykaŭ, i harantaŭ.
U biełaruskaj ASŬ dyk uvohule poŭny švach. U tym sensie što žyvych hrošaŭ tam daŭno niama, bo zamiest ich lažać "vysokanadziejnyja" (na papiery) ablihacyi banka raźvićcia, to bok pa sutnaści biełaruski dziarždoŭh. Nakolki vysokandziejnym zaraz źjaŭlajecca biełaruski dziarždoŭh - rasiejskija pakupniki biełaruskich jeŭrabondaŭ užo adčuli, bo pieravažnaja bolšaść ź ich dahetul nia moža atrymać svaje hrošy ani ŭ jakoj valucie. Ale kaby prablema tyčyłasia tolki ASŬ - taksičnymi ablihacyjami banka raźvićcia taksama napampavanyja i aktyvy biełaruskich bankaŭ. To bok kali pačniecca navat niešta na pieršy vyhlad niaznačnaje, to ŭsio pavalicca, jak damino.