Нацбанк шукае малыя прадпрыемствы, з якіх атрымаюцца фінансавыя гіганты
Нацыянальны банк Беларусі запускае новы праект пад назвай «Новыя чэмпіёны», мэта якога — знайсці і падтрымаць малыя і сярэднія прадпрыемствы з высокім патэнцыялам росту, распавёў старшыня Нацыянальнага банка Раман Галоўчанка.
Нацбанк запускае праграму падтрымкі малога і сярэдняга бізнесу з мэтай вырасціць новыя «эканамічныя зоркі» Беларусі.
Нацбанк, хоць і звычайна не займаецца такімі ініцыятывамі, сказаў Галоўчанка, цяпер хоча больш актыўна ўдзельнічаць у развіцці эканомікі — шукаць кампаніі, якія могуць стаць лідарамі ў сваёй галіне.
Гэта кампаніі, якія пакуль яшчэ малыя або сярэднія, але могуць вырасці ў некалькі разоў, калі атрымаюць патрэбную падтрымку.
Прычыны, чаму яны пакуль не выраслі, мяркуе Галоўчанка, — недахоп фінансавання, арганізацыйныя праблемы, ці там не ведаюць, як карыстацца банкаўскімі інструментамі.
Банкі, якія будуць удзельнічаць у праекце, будуць аказваць фінансавую і кансультацыйную падтрымку.
Кіраўнік Нацбанка ўжо наведаў два малыя бізнесы: сыраварню «ГрандМілк» (пад Маладзечнам) і кампанію «Механтэк», што працуе з металарэзнымі станкамі.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім6
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3232
Каментары
Папярэднім крэатывам Галоўчанкі быў выпуск 80-рублевых банкнот.
Але карэктней казаць пра крэатыўную пракрастынацыю напярэдадні буры.
Таму што на беларускі банкаўскі сектар набліжаецца фінансавае цунамі з усходу.
Справа ў тым, што Расею зараз накрывае хваля дэфолтаў, няплацежоў ды банкруцтв, у тым ліку з-за таго, што крэдыты, ўзятыя па плаваючым стаўкам, ва ўмовах стаўкі ЦБ 20 адсоткаў бізнэс далей абслугоўваць ня можа. Таму цягам 12 месяцаў у Расеі прагназуецца моцны банкаўскі крызіс, але рэзервы агенцыі страхавання ўнёскаў (АСЎ) у Расеі адносна нявялікія. Зразумела, ўсё гэта перакінецца таксама і на Беларусь, бо большасць продажаў беларускіх прадпрыемстваў ідзе у Расею. А калі няма выручкі - то няма чым разлічвацца з пастаўшчыкамі, падрадчыкамі ды банкамі. Таксама беларускія банкі напрыканцы кіравання Калаўра выдалі шмат крэдытаў расейскім заёмшчыкам пад гарантыі расейскіх банкаў, што нясе рызыку адначасовай неплацежаздольнасці і заёмшчыкаў, і гарантаў.
У беларускай АСЎ дык увогуле поўны швах. У тым сэнсе што жывых грошаў там даўно няма, бо замест іх ляжаць "высоканадзейныя" (на паперы) аблігацыі банка развіцця, то бок па сутнасці беларускі дзярждоўг. Наколькі высокандзейным зараз з'яўляецца беларускі дзярждоўг - расейскія пакупнікі беларускіх еўрабондаў ужо адчулі, бо пераважная большасць з іх дагэтуль ня можа атрымаць свае грошы ані ў якой валюце. Але кабы праблема тычылася толькі АСЎ - таксічнымі аблігацыямі банка развіцця таксама напампаваныя і актывы беларускіх банкаў. То бок калі пачнецца нават нешта на першы выгляд нязначнае, то ўсё паваліцца, як даміно.