EPAM заключыла шматгадовае партнёрства з Anthropic, будуць укараняць Claude
У EPAM удакладнілі, што дзякуючы партнёрству дапамогуць карпаратыўным кліентам укараняць Claude, распрацаваны кампаніяй Anthropic, у рэальныя бізнэс-працэсы, піша Office Life.
Гэта азначае, што будуць спрашчаць складаныя састарэлыя аперацыі, аўтаматызаваць працоўныя працэсы, аналізаваць вялікія масівы даных. Зробяць гэта за кошт інжынернага досведу EPAM і мадэляў Claude, Claude Code і Claude Agent SDK ад Anthropic.
У прэс-рэлізе сказана, што EPAM фармуе спецыяльнае падраздзяленне з больш як 10 тысяч архітэктараў, сертыфікаваных па Claude, уключаючы 250 спецыялізаваных інжынераў. Сертыфікацыю ўжо прайшлі больш за 1,3 тысячы чалавек, а да канца III квартала іх павінна стаць 5 тысяч. Яшчэ тысячы такіх спецыялістаў падрыхтуюць у 2027 годзе. Паралельна больш за 20 тысяч супрацоўнікаў EPAM прайшлі навучанне праз Anthropic Academy.
Паводле слоў Элейны Шэхтэр, дырэктара па стратэгіі і трансфармацыі EPAM, партнёрства з Anthropic — важная веха ў місіі кампаніі па ператварэнні ў вядучага пастаўшчыка стратэгічных паслуг, арыентаваных на ІІ, для кліентаў са спісу Global 2000.
Anthropic — гэта вядучая амерыканская кампанія ў галіне штучнага інтэлекту, створаная ў 2021 годзе былымі супрацоўнікамі OpenAI, якая распрацавала ChatGPT.
Цяпер чытаюць
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне12
Каментары