Тры дні таму на ўчастку паміж Мінскам і Баранавічамі сур'ёзна затрымліваліся цягнікі. Стала вядома чаму
На ўчастку чыгункі паміж Гарадзеяй і Стоўбцамі 6 мая 2026 года адбыліся сур’ёзныя затрымкі пасажырскіх цягнікоў. Сярод затрыманых былі цягнікі Брэст — Санкт-Пецярбург і Гродна — Віцебск. «Супольнасць чыгуначнікаў Беларусі» даведалася, у чым была прычына гэтай няштатнай сітуацыі.
Беларуская чыгунка афіцыйна патлумачыла інцыдэнт «часовым абмежаваннем хуткасці руху», з-за якога некалькі цягнікоў прыбылі з істотным спазненнем — прыкладна да паўтары гадзіны.
Пазней высветлілася, што прычынай абмежавання руху магла стаць тэхнічная сітуацыя, звязаная з праверкай стану чыгуначнага палатна.
Паводле тэхнічнай версіі, пасля праходжання аднаго з цягнікоў былі выяўленыя магчымыя няспраўнасці колавых пар — так званыя «паўзуны» (пляскатыя ўчасткі на колах, якія ўзнікаюць пры іх блакіроўцы падчас руху). Такія дэфекты могуць выклікаць удары па рэйках і ствараць рызыку пашкоджання інфраструктуры і небяспеку для іншых цягнікоў.
Прыклад «паўзуна»
Менавіта таму на ўчастку ўвялі абмежаванне хуткасці і праверку стану пуцей. У падобных выпадках гэта стандартная мера бяспекі, якая дазваляе пазбегнуць больш сур’ёзных аварый.
Пасля інцыдэнту праводзіўся дадатковы агляд як чыгункі, так і самога рухомага саставу. Пры гэтым дакладныя прычыны ўзнікнення няспраўнасці не былі афіцыйна агучаныя.
Дзевяць чалавек памерлі ў Брэсце і Мінску — усім ім уводзілі адныя і тыя ж лекі. У прэпараце знайшлі бактэрыі5
Каментары