Eks-sienatar rasijskaha Savieta Fiederacyi Franc Klincevič paviedamiŭ, što jamu admovili va ŭjeździe ŭ Armieniju. Pavodle jaho, u aeraporcie Jerevana pamiežniki biez tłumačeńnia pryčyn prainfarmavali, što jon pryznany nieŭjaznym.
Klincevič adznačyŭ, što prybyŭ u Armieniju z pryvatnym vizitam — sustrecca ź ludźmi, jakija ŭdzielničali va ŭstalavańni pomnika vieteranam afhanskaj vajny. Pavodle jahonych zajaŭ, aficyjnych mierapryjemstvaŭ jon nie płanavaŭ. Pamiežniki, kaža jon, pavodzili siabie ź im karektna.
Raniej Klincevič krytyčna vykazvaŭsia nakont aryštu armianskaha biznesmiena Samvieła Karapieciana i źviazvaŭ heta z unutrypalityčnaj situacyjaj u Armienii.
68-hadovy Franc Klincevič — člen vyšejšaha savieta partyi «Adzinaja Rasija», u minułym — deputat Dziarždumy i sienatar ad Smalenskaj vobłaści. U 2018 hodzie jon pakinuŭ Saviet Fiederacyi, a ŭ 2020 — straciŭ status sienatara.
Pavodle pachodžańnia Klincevič — biełarus ź vioski Krejvancy Ašmianskaha rajona. U hetaj katalickaj vioscy jon naradziŭsia, vyras i navat paru miesiacaŭ pracavaŭ u rodnaj škole nastaŭnikam fizkultury, čarčeńnia i malavańnia. Paśla taho ž, jak u 1975 hodzie jaho pryzvali ŭ armiju, u Biełaruś jon užo nie viarnuŭsia, a paśla raspadu SSSR zrabiŭ palityčnuju karjeru ŭ Rasii. Jon całkam padtrymlivaje zachopnickuju palityku Pucina, za što ŭniesieny ŭ roznyja sankcyjnyja śpisy.
U Armienii zatrymali jašče adnaho jepiskapa
U Armienii aryštavali archijepiskapa i jašče 16 zmoŭnikaŭ
U Armienii zajavili pra praduchileńnie sproby zachopu ŭłady
Nikoł Pašynian zaprasiŭ Katalikosa ŭsich armian asabista pierakanacca, što jon nie rabiŭ abrazańnia
Miljardera Samvieła Karapieciana abvinavacili ŭ zaklikach da zachopu ŭłady ŭ Armienii
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary