Z 30 červienia da 6 lipienia ŭ krainie čakajecca pastupovaje paciapleńnie, a sapraŭdnaje leta pryjdzie ŭ pieršaj pałovie lipienia, paviedamiŭ u efiry ANT sinoptyk Dźmitryj Rabaŭ.
Choć kaniec červienia jašče zastaniecca krychu chaładniejšym za klimatyčnuju normu, z pačatku lipienia słupki termomietraŭ u bolšaści rehijonaŭ dasiahnuć +30 °C. Adnak biez karotkačasovych daždžoŭ i navalnic nie abydziecca.
U pačatku tydnia ŭmovy nadvorja budzie vyznačać vobłaść pavyšanaha cisku. Na paŭnočnym uschodzie mahčymyja karotkija daždžy i navalnicy, astatniaja terytoryja — pieravažna biez apadkaŭ. Viecier paŭnočna-zachodni, miescami paryvisty. Tempieratura nočču — ad +9 da +14 °C, dniom u paniadziełak — +18…+22 °C, u aŭtorak — da +24 °C.
U siaredzinie tydnia nadvorje pačnie farmiravać antycykłon z centram nad Polščaj. U Biełaruś pryjduć ciopłyja pavietranyja masy z poŭdnia. U sieradu budzie pieramiennaja vobłačnaść, apadkaŭ nie čakajecca. Viecier zachodni. Nočču — +12…+17 °C, dniom — da +29 °C.
U čaćvier — pieravažna biez apadkaŭ, a ŭ piatnicu z zachadu pryjdzie atmaśfierny front z daždžami i, mahčyma, tumanam. Dniom słupki termomietraŭ padymucca da +30…+33 °C.
Na vychadnyja nadvorje budzie pieramienlivym — karotkija daždžy, navalnicy i bolš prachałodnaje pavietra z Bałtyki. U subotu dniom — +20…+27 °C, u niadzielu — +19…+25 °C.
Ciapier čytajuć
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary