U noč na 11 žniŭnia rasijskija vojski nanieśli balistyčny ŭdar pa vytvorčych abjektach kampanii «Mietinviest» u Zaparožžy, u tym liku pa mietałurhičnym kambinacie «Zaparožstal».
U vyniku ataki zahinuli siem rabotnikaŭ pradpryjemstva, jašče 21 čałaviek atrymaŭ ranieńni. U momant udaru supracoŭniki jakraz nakiroŭvalisia ŭ schovišča paśla abviaščeńnia pavietranaj tryvohi.
Paśla ataki pracu «Zaparožstali» daviałosia całkam spynić. Na pradpryjemstvie paškodžanyja enierhietyčnyja abjekty i infrastruktura, a taksama asnoŭnyja i dapamožnyja mahutnaści koksavaj i domiennaj vytvorčaściaŭ.
Śpiecyjalisty ciapier aceńvajuć maštaby paškodžańniaŭ i vyśviatlajuć, kali i ŭ jakim abjomie možna budzie adnavić pracu kambinata. Paralelna pravodziacca nieabchodnyja avaryjna-ramontnyja raboty.
Inšyja vytvorčyja placoŭki «Mietinviestu» ŭ Zaparožžy praciahvajuć pracavać, ale na źnižanych mahutnaściach.
Raniej, padčas masavanaha rakietnaha abstrełu ŭnočy 5 žniŭnia, byli paškodžanyja abo źniščanyja bujnyja składskija i vytvorčyja abjekty ŭ Kijevie i Kijeŭskaj vobłaści, u tym liku składskaja infrastruktura Rozetka, kompleksy «Epicentra» i sartavalny centr «Novaj pošty».
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary