Parłamient Livana 11 žniŭnia prahałasavaŭ za poŭnuju admienu śmiarotnaha pakarańnia. Takim čynam, kraina stała pieršaj na Blizkim Uschodzie, jakaja aficyjna admoviłasia ad vyšejšaj miery pakarańnia i zamianiła jaje pažyćciovym źniavoleńniem z prymusovaj pracaj, paviedamlaje Al Jazeera.
Za zakon prahałasavała bolšaść deputataŭ livanskaha parłamienta, jaki składajecca sa 128 čałaviek. Deputaty ad parłamienckaha błoka «Chiezbała» nie padtrymali dakumient.
Ministr justycyi Livana Adel Nasar nazvaŭ pastanovu histaryčnym krokam dla krainy. Jon adznačyŭ, što zachavańnie śmiarotnaha pakarańnia raniej stvarała prablemy dla Biejruta pry sprobach damahčysia ekstradycyi padazravanych ź dziaržaŭ, dzie vyšejšaja miera pakarańnia zabaronienaja.
Skasavańnie śmiarotnaha pakarańnia vitali i pravaabaroncy. U Human Rights Watch zajavili, što heta važny krok napierad u śfiery pravoŭ čałavieka.
Zrešty, užo bolš za 20 hadoŭ śmiarotnaje pakarańnie zachoŭvałasia ŭ livanskim zakanadaŭstvie tolki farmalna, a faktyčna kraina ŭžo šmat hadoŭ nie vykonvała takija prysudy. Apošniaje śmiarotnaje pakarańnie ŭ Livanie adbyłosia ŭ studzieni 2004 hoda.
Paśla hetaha livanskija sudy jašče vynosili dziasiatki śmiarotnych prysudaŭ, adnak ich vykanańnie spyniali abo sami prysudy paźniej źmiakčali. Takim čynam, u krainie faktyčna dziejničaŭ nieaficyjny maratoryj na śmiarotnaje pakarańnie, jaki ciapier zamacavany zakanadaŭča.
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary
Biełaruś - adzinaja kraina, jak u Jeŭropie, tak i ŭ SND, u jakoj zachoŭvajecca śmiarotnaje pakarańnie.
Adčujcie roźnicu pamiž samapachvałoj biełarusaŭ pra pamiarkoŭnaść i žorstkaj dziaržaŭnaj palitykaj dziaržavy RB.