Nikoł Pašynian zaprasiŭ Katalikosa ŭsich armian asabista pierakanacca, što jon nie rabiŭ abrazańnia
Pamiž premjer-ministram Armienii Nikołam Pašynianam i kiraŭnictvam Armianskaj apostalskaj carkvy (AAC) praciahvajecca surjozny kanflikt. Paśla taho, jak pres-sakratar Katalikosa ŭsich armian Harehina II zajaviŭ, što Pašynian nibyta prachodziŭ relihijny abrad abrazańnia, to-bok naležyć da musulmanskaj viery, toj zaprasiŭ abodvuch asabista pierakanacca ŭ advarotnym.
«Pres-sakratar śmielčaka [Ktrydža] Niersisiana [heta śvieckaje imia Harehina II. — NN] apublikavaŭ zajavu, što ja nibyta abrezany. Ja hatovy pryniać śmielčaka [Ktrydža] Niersisiana i jaho pres-sakratara i dakazać advarotnaje», — napisaŭ staršynia armianskaha ŭrada ŭ svaim telehram-kanale.
Raniej Pašynian rezka raskrytykavaŭ stan chramaŭ u krainie i abvinavaciŭ Katalikosa ŭsich armian Harehina II ŭ parušeńni manaskaha abietu biasšlubnaści.
Pašynian taksama zaklikaŭ Carkvu adkazać na pytańni pra maralnuju prydatnaść jaje kiraŭnictva, śćviardžajučy, što duchoŭnaja biaśpieka krainy pad pahrozaj. Jaho krytyka vyklikała mocnuju reakcyju z boku samoj Carkvy, a taksama hramadskich arhanizacyj. AAC abvinavaciła premjera ŭ sprobie źniščyć jaje aŭtarytet dziela palityčnaj vyhady i raskołu hramadstva. Pratesty suprać Pašyniana dasiahnuli navat formy vuličnych akcyj ź simvaličnym «prychodam ź piekła».
U adkaz na praciahły kanflikt premjer u červieni adkryta zapatrabavaŭ adstaŭki Harehina II, padkreślivajučy, što čałaviek, jaki parušyŭ duchoŭnyja abaviazki, nie moža być maralnym lidaram nacyi.
Supraćstajańnie pamiž Armianskaj Apostalskaj Carkvoj i Nikołam Pašynianam praciahvajecca z 2020 hoda, kali paśla niaŭdałaj dla Armienii 44-dzionnaj vajny za Karabach carkoŭny sabor zapatrabavaŭ adstaŭki premjer-ministra. U adkaz urad pačaŭ pierahladać rolu Carkvy ŭ hramadstvie i ŭvioŭ bolš strohi kantrol za jaje dziejnaściu.
73-hadovy Harehin II kiruje Armianskaj Apostalskaj Carkvoj bolš za čverć stahodździa, z kastryčnika 1999 hoda. Niadaŭna da 25-hodździa svajoj intranizacyi jon byŭ uznaharodžany patryjarcham Maskoŭskim i ŭsiaje Rusi Kiryłam ordenam RPC.
Pašynian zaklikaŭ pazbavić pasady Katalikosa ŭsich armian, bo ŭ taho znajšłosia dzicia
Budzie Pucin, Pašynian admoviŭsia, a prezidenta Irana ŭsio jašče čakajuć. Chto z suśvietnych lidaraŭ pryjedzie ŭ Minsk na nastupnym tydni na JEAES
Pašynian u Tyranie prapanavaŭ Alijevu pajści papić kavy VIDEA
Armienija admoviłasia płacić uznos u ADKB
Ciapier čytajuć
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ1
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary