Нікол Пашынян запрасіў Каталікоса ўсіх армян асабіста пераканацца, што ён не рабіў абразання
Паміж прэм’ер-міністрам Арменіі Ніколам Пашынянам і кіраўніцтвам Армянскай апостальскай царквы (ААЦ) працягваецца сур’ёзны канфлікт. Пасля таго, як прэс-сакратар Каталікоса ўсіх армян Гарэгіна ІІ заявіў, што Пашынян нібыта праходзіў рэлігійны абрад абразання, то-бок належыць да мусульманскай веры, той запрасіў абодвух асабіста пераканацца ў адваротным.
«Прэс-сакратар смельчака [Ктрыджа] Нерсісяна [гэта свецкае імя Гарэгіна ІІ. — НН] апублікаваў заяву, што я нібыта абрэзаны. Я гатовы прыняць смельчака [Ктрыджа] Нерсісяна і яго прэс-сакратара і даказаць адваротнае», — напісаў старшыня армянскага ўрада ў сваім тэлеграм-канале.
Раней Пашынян рэзка раскрытыкаваў стан храмаў у краіне і абвінаваціў Каталікоса ўсіх армян Гарэгіна II ў парушэнні манаскага абету бясшлюбнасці.
Пашынян таксама заклікаў Царкву адказаць на пытанні пра маральную прыдатнасць яе кіраўніцтва, сцвярджаючы, што духоўная бяспека краіны пад пагрозай. Яго крытыка выклікала моцную рэакцыю з боку самой Царквы, а таксама грамадскіх арганізацый. ААЦ абвінаваціла прэм’ера ў спробе знішчыць яе аўтарытэт дзеля палітычнай выгады і расколу грамадства. Пратэсты супраць Пашыняна дасягнулі нават формы вулічных акцый з сімвалічным «прыходам з пекла».
У адказ на працяглы канфлікт прэм’ер у чэрвені адкрыта запатрабаваў адстаўкі Гарэгіна II, падкрэсліваючы, што чалавек, які парушыў духоўныя абавязкі, не можа быць маральным лідарам нацыі.
Супрацьстаянне паміж Армянскай Апостальскай Царквой і Ніколам Пашынянам працягваецца з 2020 года, калі пасля няўдалай для Арменіі 44-дзённай вайны за Карабах царкоўны сабор запатрабаваў адстаўкі прэм’ер-міністра. У адказ урад пачаў пераглядаць ролю Царквы ў грамадстве і ўвёў больш строгі кантроль за яе дзейнасцю.
73-гадовы Гарэгін ІІ кіруе Армянскай Апостальскай Царквой больш за чвэрць стагоддзя, з кастрычніка 1999 года. Нядаўна да 25-годдзя сваёй інтранізацыі ён быў узнагароджаны патрыярхам Маскоўскім і ўсяе Русі Кірылам ордэнам РПЦ.
Пашынян заклікаў пазбавіць пасады Каталікоса ўсіх армян, бо ў таго знайшлося дзіця
Будзе Пуцін, Пашынян адмовіўся, а прэзідэнта Ірана ўсё яшчэ чакаюць. Хто з сусветных лідараў прыедзе ў Мінск на наступным тыдні на ЕАЭС
Пашынян у Тыране прапанаваў Аліеву пайсці папіць кавы ВІДЭА
Арменія адмовілася плаціць узнос у АДКБ
Цяпер чытаюць
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае13
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары