На шостым саміце Еўрапейскай палітычнай супольнасці, які 16 мая праходзіць у албанскай Тыране, дэманструюць на дзіва мірныя адносіны кіраўнікі дзвюх здаўна моцна пасвараных дзяржаў — Арменіі і Азербайджана.
У сеціве з'явілася відэа, на якім прэм'ер-міністр Арменіі Нікол Пашынян падыходзіць да прэзідэнта Азербайджана Ільхама Аліева, які з кімсьці гутарыць у кулуарах форуму, і запрашае яго папіць кавы. Той абяцае падысці, калі скончыць размову.
Перад гэтым прэс-сакратарка Пашыняна Назелі Багдасаран паведаміла ў сацсетках, што Пашынян з Аліевым правялі кароткую сустрэчу.
Паводле інфармацыі азербайджанскіх рэсурсаў, бакі правялі абмен думкамі па пытаннях адносін паміж дзвюма краінамі, мірнай дамовы і іншых пытаннях.
На відэа, якім падзяліўся прэм'ер-міністр Нікол Пашынян, відаць, што пасля асобнай сустрэчы двух лідараў да іх далучыліся міністры замежных спраў дзвюх краін Арарат Мірзаян і Джэйхун Байрамаў.
Беларускага Сінюю Бараду адпусцілі з расійскай турмы паміраць дома6
Беларускага Сінюю Бараду адпусцілі з расійскай турмы паміраць дома
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары