Šasnaccać hradusaŭ. Rasijski karespandent paskardziŭsia, što źmierz u łukašenkaŭskim pałacy
Karespandent rasijskaha vydańnia «Kommiersant'» Andrej Kaleśnikaŭ, viadomy svajoj manieraj pisać repartažy z roznych samitaŭ u ździeklivym styli, pryjechaŭ u Minsk na pasiadžeńnie Vyšejšaj ekanamičnaj rady JEAES i, jak śćviardžaje, u Pałacy Niezaležnaści zusim źmierz.
«Ale para było ŭžo i zakančvać. Bo ŭ Pałacy Niezaležnaści było da dryžykaŭ choładna ŭvieś hety čas. Ja nie moh znajści hetamu nijakaha łahičnaha tłumačeńnia, pakul nie pahavaryŭ z pamočnikam prezidenta Juryjem Ušakovym, jaki viarnuŭsia z abiedu.
— Usio vidavočna, — pacisnuŭ jon plačyma. — Šasnaccać hradusaŭ — heta tempieratura, pry jakoj pjuć čyrvonaje vino. I nie tolki ŭ Biełarusi. Voś i ciapier: prynosiać sa sklepa čyrvonaje vino i pjuć jaho pry tempieratury šasnaccać hradusaŭ! I nie treba achałodžvać! Usie ŭžo i tak achaładzilisia.
Pres-sakratar prezidenta Rasii Dźmitryj Piaskoŭ, jaki stajaŭ pobač, uspomniŭ, jak u hetym ža samym pałacy niekalki hadoŭ tamu kiraŭnica Savieta Fiederacyi Valancina Matvijenka ŭ takoj ža situacyi pasiadzieła, dy i paprasiła, kab nie pasivieć, prynieści joj futra z harderoba, u jakim i prasiadzieła ŭsio pasiadžeńnie ŭ pašyranym, nie pabajusia hetaha słova, składzie», — napisaŭ Kaleśnikaŭ.
U inšym repartažy, z učarašniaha Jeŭrazijskaha forumu, Kaleśnikaŭ prazrysta patroliŭ Łukašenku, namiaknuŭšy na jahony mažny źniešni vyhlad:
«Fotafiniš zastaŭsia, ja liču, za prezidentam Biełarusi. Heta ž jon prapanavaŭ kaleham zrabić family-fota na fonie niepraŭdapadobna vialikaha (jak i sam Alaksandr Łukašenka, prynamsi ŭ vačach sučaśnikaŭ), prosta vializnaha karjernaha «BiełAZa-75710» hruzapadymalnaściu 450 ton. Na jaho fonie nie takim uražlivym pačaŭ zdavacca navat sam Alaksandr Łukašenka».
Papiaredni repartaž Kaleśnikava, źviazany z Łukašenkam, skončyŭsia hučnym skandałam. U svaim repartažy pra parad u Maskvie 9 maja Kaleśnikaŭ zhadaŭ, što Łukašenka nibyta nie stajaŭ, kali na Krasnaj płoščy prachodzili biełaruskija vajskoŭcy, choć videa z padziei zaśviedčyła advarotnaje.
Hetym skarystaŭsia łukašenkaŭski prapahandyst Ryhor Azaronak, jaki padčas strymu svajoj pieradačy daŭ sabie volu, nie strymlivajučysia ŭ vyrazach.
«Andrej Kaleśnikaŭ, ty hniły viartlavy pid*ras. I *ujasos. Končanaje čmo i ablovany libierał. I ŭsia tvaja hazietka hetaja «Buržuj» — tualetnaja papiera…», — viaščaŭ prapahandyst.
Paśla taho Andrej Kaleśnikaŭ byŭ vymušany apraŭdvacca i prabačacca.
«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad
«Hniły viartlavy pid*ras. I *ujasos». Azaronak nazvaŭ Kaleśnikava z puła Pucina słovami, niezvyčajnymi navat dla svaich efiraŭ
Aŭtar rasijskaha «Kommiersanta» vybačyŭsia pierad Łukašenkam za toje, jak apisaŭ jahony pryjezd na parad
Kala 19 tysiač kamier płanujuć ustalavać kala minskich padjezdaŭ. Heta amal u 10 razoŭ bolš, čym ciapier3
Kamientary