Biełaruski sinoptyk Dźmitryj Rabaŭ u efiry ANT paviedamiŭ papiaredni prahnoz nadvorja na tydzień z 27 lipienia pa 2 žniŭnia. Pavodle jaho słoŭ, apošnija dni lipienia i pačatak žniŭnia buduć ciopłymi, ale biez praciahłaj śpiakoty. Razam z tym na praciahu tydnia čakajucca karotkačasovyja daždžy i navalnicy.
U paniadziełak, 27 lipienia, nadvorje budzie vyznačać aktyŭny atmaśfierny front z Bałtyjskaha mora. Čakajecca vobłačnaść z prajaśnieńniami, miescami ranicaj mahčymy tuman. Nočču tempieratura składzie ad +11 da +16 hradusaŭ, udzień — ad +21 na paŭnočnym zachadzie da +30 u Bresckaj i Homielskaj abłaściach.
U aŭtorak zachavajucca niaŭstojlivyja vilhotnyja pavietranyja masy. Vobłačnaje nadvorje budzie supravadžacca karotkačasovymi daždžami i navalnicami. Unačy prahnazujecca ad +10 da +16, udzień — ad +17 da +23 hradusaŭ, a na ŭschodzie krainy pavietra moža prahrecca da +29.
U sieradu taksama čakajucca karotkačasovyja daždžy, miescami navalnicy. Ranicaj mahčymy tuman, vilhotnaść pavietra dasiahnie 90%. Budzie dźmuć paryvisty zachodni i paŭnočna-zachodni viecier. Tempieratura nočču składzie ad +12 da +17, udzień — ad +18 da +25 hradusaŭ.
U čaćvier, 30 lipienia, zachavajecca ŭpłyŭ niaŭstojlivych pavietranych mas. Na paŭdniovym uschodzie krainy mahčymyja navalničnyja daždžy, nočču i ranicaj — tumany. Unačy čakajecca ad +9 da +14 hradusaŭ, udzień — ad +25 pa Viciebskaj vobłaści da +27 pa Bresckaj i Homielskaj abłaściach.
U piatnicu istotnych apadkaŭ nie prahnazujecca. Nadvorje budzie vobłačnym z prajaśnieńniami, z umieranym vietram źmienlivych napramkaŭ. Nočču tempieratura składzie ad +10 da +15, udzień — ad +19 da +25 hradusaŭ.
U subotu, 1 žniŭnia, u asobnych rajonach mahčymyja karotkačasovyja daždžy i navalnicy. Unačy budzie ad +10 da +15, udzień — ad +19 da +25 hradusaŭ, najbolš ciopła budzie na paŭdniovym uschodzie krainy.
U niadzielu, 2 žniŭnia, prahnazujecca vobłačnaje nadvorje z prajaśnieńniami. U bolšaści rajonaŭ čakajucca daždžy, nočču i ranicaj mahčymy tuman. Tempieratura ŭnačy składzie kala +12 hradusaŭ, udzień — ad +15 da +20, a ŭ Homielskaj i Mahiloŭskaj abłaściach — ad +21 da +25 hradusaŭ.
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»37
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary