ES dazvoliŭ kanfiskoŭvać i pradavać naftu z tankieraŭ, jakija parušajuć sankcyi suprać Rasii
21‑y pakiet sankcyj taksama praduhledžvaje zamacavańnie stoli cany na rasijskuju naftu na ŭzroŭni 44 dalaraŭ za barel terminam na adzin hod.
Jeŭrapiejski sajuz u ramkach 21‑ha pakieta sankcyj zaćvierdziŭ miechanizm, jaki dazvalaje dziaržavam-členam kanfiskoŭvać i pradavać rasijskuju naftu z sudnaŭ «cieniavoha fłotu», što sprabujuć abyści sankcyi błoka. Adpaviednaja pastanova Rady ES apublikavanaja ŭ «Aficyjnym časopisie Jeŭrapiejskaha sajuza», piša Moscow Times.
Jak rastłumačyŭ vysokapastaŭleny pradstaŭnik Jeŭrapiejskaj kamisii ŭ razmovie z Euractiv, novaje pałažeńnie daje dziaržavam-členam prava kanfiskoŭvać hruzy z tankieraŭ paśla ich zatrymańnia padčas marskich apieracyj. Vydańnie ŭdakładniaje, što havorka idzie nie tolki pra naftu, ale i pra zbožža. Srodki, atrymanyja ad prodažu, nie mohuć być pieradadzieny rasijskim fizičnym abo jurydyčnym asobam, padkreślivajecca ŭ dakumiencie.
Dakumient zabaraniaje kampanijam ES vykonvać pasłuhi, u tym liku strachavańnie, tankieram, jakija pradajuć naftu pa canie, vyšejšaj za ŭstanoŭleny paroh.
Pavodle acenak Jeŭrapiejskaha sajuza, heta moža kaštavać Kramlu 3,5 młrd dalaraŭ stračanych dachodaŭ na praciahu nastupnaha hoda — pry ŭmovie, što cana nafty Urals składzie 60 dalaraŭ za barel. Adnak na pačatku lipienia Urals tarhavałasia kala 50 dalaraŭ za barel, a paśla adnaŭleńnia vajny ZŠA suprać Irana jaje košt vyras da 80 dalaraŭ za baral, adznačaje Euractiv.
Brat biełaruskaj karalevy pryhažości trapiŭ u reanimacyju ŭ Azierbajdžanie4
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary