Zialenski anansavaŭ źjaŭleńnie va Ukrainy bieśpiłotnikaŭ z dalokaściu palotu da 10 tysiač kiłamietraŭ
Prezident Ukrainy Uładzimir Zialenski ŭ intervju amierykanskaj błohiercy Łory Łumier zajaviŭ, što najbližejšyja hady Ukraina istotna pavialičyć dalokaść svaich udarnych bieśpiłotnikaŭ.
Pavodle słoŭ Zialenskaha, ciapier Ukraina ŭžo maje drony, zdolnyja pieraadolvać bolš za 3 tysiačy kiłamietraŭ. Da kanca hetaha hoda płanujecca stvareńnie bieśpiłotnikaŭ z dalokaściu kala 4 tysiač kiłamietraŭ, a ŭ nastupnym hodzie — ad 5 da 10 tysiač kiłamietraŭ.
Kali hetyja płany buduć realizavanyja, ukrainskija bieśpiłotniki zmohuć dasiahać luboha punktu na terytoryi Rasii, u tym liku samych addalenych rehijonaŭ, takich jak Mahadanskaja vobłaść, Čukotka, Kamčatka i Sachalin.
Zialenski adznačyŭ, što prahrama raźvićcia dalokabojnych bieśpiłotnikaŭ pierachodzić na novy etap. Pavodle jaho, Ukraina ŭžo pieradaje Złučanym Štatam svoj bajavy vopyt vykarystańnia marskich, pavietranych i dalokabojnych dronaŭ. Akramia taho, Kijeŭ i Vašynhton płanujuć naładzić supolnuju vytvorčaść bieśpiłotnikaŭ, u tym liku pabudavać zavod na terytoryi ZŠA. Jak śćviardžaje ŭkrainski prezident, pahadnieńnie pa hetym prajekcie amal padrychtavanaje.
U sakaviku 2025 hoda Zialenski ŭpieršyniu aficyjna paviedamiŭ pra paśpiachovyja vyprabavańni ŭkrainskaha bieśpiłotnika z dalokaściu palotu kala 3 tysiač kiłamietraŭ. U lipieni 2026 hoda adzin z takich dronaŭ nanios udar pa Omskim naftapierapracoŭčym zavodzie, jaki znachodzicca prykładna za 2,5 tysiačy kiłamietraŭ ad terytoryi Ukrainy.
Na samicie NATA ŭ Ankary 7 lipienia Zialenski zajaviŭ, što vykarystańnie dalokabojnych bieśpiłotnikaŭ pazbaviła Rasiju pieravahi ŭ vyhladzie hłybokaha tyłu, dzie jana raniej mahła biaśpiečna raźmiaščać vajskovuju vytvorčaść, techniku i składy. Na jaho dumku, takija ŭdary pavinny pavialičyć košt vajny dla Rasii i nablizić dasiahnieńnie miru.
10 lipienia prezident Ukrainy padpisaŭ ukaz ab stvareńni ŭ składzie Uzbrojenych sił krainy asobnaha kamandavańnia dalokabojnaha ŭździejańnia. Pavodle jaho słoŭ, novaja struktura pavinna abjadnać usie adpaviednyja resursy dla naniasieńnia ŭdaraŭ pa abjektach, jakija źnižajuć vajenny patencyjał Rasii.
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Zialenski sustreniecca z Trampam na nastupnym tydni
U vyniku ŭdaru «Iskanderami» pa vystavie ŭzbrajeńnia pad Kijevam zahinuli 10 čałaviek, 100 paranienyja
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary