Dźvie hałoŭnyja viełamahistrali Minska źviažuć praz «Paŭnočny Bierah»
Minsk płanuje pierasieści na rovary: da 2030 hoda ŭ horadzie musić źjavicca kala 380 kiłamietraŭ vieładarožak. Maštabnaje abnaŭleńnie rovarnaj infrastruktury zakranie i novyja rajony. Naprykład, u kompleksie «Paŭnočny Bierah», jaki budujecca, zručnyja viełamaršruty buduć intehravanyja prosta ŭ žyłuju zabudovu. Za košt stvareńnia kamfortnaj rovarnaj infrastruktury dola pajezdak na rovarach moža pavialičycca da 8−10%, piša Realt.by.
Novaja sietka viełamaršrutaŭ paŭnočnaj častki stalicy źviaža dźvie najbujniejšyja rovarnyja mahistrali horada: hałoŭnuju minskuju vieładarožku (ad Čyžoŭskaha vadaschovišča da Minskaha mora plus maršruty vakoł Cnianskaha vadaschovišča) i pierśpiektyŭnuju mahistralnuju vieładarožku ŭzdoŭž Ślepianskaj vodnaj sistemy.
Terytoryja «Paŭnočnaha Bieraha» vałodaje ŭnikalnym stanoviščam pamiž dźviuma najbujniejšymi vodna-zialonymi sistemami Minska (Drazdy i Cnianka) i stanie centralnym złučalnym elemientam adzinaha pryrodna-rekreacyjnaha karkasa horada.
U vyniku budzie sfarmavany ŭnikalny dla Minska bieśpierapynny rovarny maršrut, jaki złučaje nastupnyja abjekty: Minskaje mora — Drazdy — «Paŭnočny Bierah» — park Družby narodaŭ — Nacyjanalnaja biblijateka — Ślapianskaja vodnaja sistema — Čyžoŭskaje vadaschovišča.
Prajektavanaja viełainfrastruktura «Paŭnočnaha Bieraha» praduhledžvaje stvareńnie paŭnavartasnaj haradskoj rovarnaj sietki, jakaja ŭklučaje: rovarnyja maršruty ŭ najaŭnaj i prajektavanaj častkach Łejksajd Parka, vydzielenyja vieładarožki ŭzdoŭž haradskich vulic, unutrykvartalnyja rovarnyja bulvary, viełaparkoŭki i viełaboksy.
Paśla zaviaršeńnia budaŭnictva viełainfrastruktury ŭ kompleksie «Paŭnočny Bierah» budzie stvorana adna z najbolš raźvitych rovarnych infrastruktur u krainie: kala 20 tysiač viełamiescaŭ u sučasnych viełaboksach i bolš za 24 km unutrykvartalnych rovarnych maršrutaŭ.
Prajekt budzie realizavany ŭ dva etapy. Na pieršym etapie da 2030 hoda budzie pabudavana 6 tysiač viełamiescaŭ, 8 kiłamietraŭ unutrykvartalnych vieładarožak, 3 kiłamietraŭ viełamaršrutaŭ u Łejksajd Parku i 15 km rovarnych darožak uzdoŭž vuličnaj sietki. Druhaja častka viełainfrastruktury budzie skončana da 2040 hoda.
Abjadnańnie rovarnych ekasistem stalicy i intehracyja ŭ ich «Paŭnočnaha Bieraha» sfarmuje adziny mahistralny rovarny karkas Minska i stvoryć umovy dla vykarystańnia rovara jak paŭnavartasnaha haradskoha transpartu.
«Paŭnočny Bierah» — sučasny žyły rajon kala Cnianskaha vadaschovišča, dzie spałučajucca pryroda, haradskaja infrastruktura i kamfortnaje asiarodździe dla žyćcia. Prajekt realizuje TAA «Ryviersajd Deviełapmient Limited». Siońnia tut aktyŭna budujucca žyłyja damy i sacyjalnaja infrastruktura: užo pieradadzieny klučy ad 17 damoŭ, jašče 40 abjektaŭ znachodziacca ŭ stadyi budaŭnictva.
Stała viadoma, u što pieratvorycca zakinutaja hramadskaja prybiralnia na bierazie Śvisłačy ŭ centry Minska
U Minsku adkryli pieršy dyjahanalny piešachodny pierachod
Ad Prypiaci da Kaŭkaza. Jak siamja z-pad Minska padarožničaje na kempiery
«Była ŭ Jehipcie 12 razoŭ, tam nie lepš». Biełarusy raskazali, jak adpačyvajuć u ajčynnych sanatoryjach
«Lipa va ŭsich sensach». Voś jak buduć vyhladać drevy ŭ vazonach na hałoŭnym minskim praśpiekcie. Błohiery atrymali zadańnie imi zachaplacca10
Kamientary