Muravanku Chraptovičaŭ u Ščorsach znoŭ vystavili na prodaž za paŭcany
U ahraharadku Ščorsy Navahrudskaha rajona znoŭ sprabujuć pradać kompleks histaryčnych budynkaŭ XIX stahodździa, viadomy jak Muravanka Chraptovičaŭ.
Na aŭkcyjonnym sajcie «BUTB-Majomaść» paznačana, što pačatkovaja cana ciapier składaje krychu bolš za 148,8 tysiačy rubloŭ, choć u minułym miesiacy abjekt pradavali za 297,7 tysiačy. Pakupnik tady tak i nie znajšoŭsia.
Kompleks naležaŭ mahnackamu rodu Chraptovičaŭ i ŭklučaje niekalki budynkaŭ — vietlačebnicu, karoŭnik, cialatnik, śviran i inšyja, ahulnaj płoščaj bolš za 1,5 tysiačy kvadratnych mietraŭ.
Aŭkcyjon pryznačany na 31 lipienia. Pieramožca atrymaje ŭ arendu ŭčastak ziamli płoščaj kala 6,4 hiektara na 50 hadoŭ.
Pry źmienie pryznačeńnia nieruchomaści jaje možna budzie vykarystoŭvać dla žyłoha, administracyjnaha, handlovaha ci inšaha budaŭnictva — ale tolki pry najaŭnaści navukovaha abhruntavańnia i zhody Ministerstva kultury.
Raniej u hetym hodzie sprabavali pradać i inšuju siadzibu Chraptovičaŭ u Ščorsach — za 184 tysiačy rubloŭ, ale taja sproba taksama nie ŭviančałasia pośpiecham.
U Hrodnie źnieśli čarhovy dom u histaryčnym centry. Na hramadskim abmierkavańni infarmacyju pra znos utaili ad ludziej
Muravanku Chraptovičaŭ u Ščorsach vystavili na aŭkcyjon. Kolki kaštuje
Pad Navahrudkam pradajuć staražytnuju siadzibu XVIII stahodździa. Voś za jakuju sumu možna stać mahnatam
Krepaści, kanały i łunajučyja skały. Kudy pajechać z Hrodna na vialikija majskija vychadnyja
Žonka Statkieviča raskazała, pra što paśpieła parazmaŭlać ź im13
Kamientary
Nakont budynkaŭ Muravanki - tam chutčej ruiny budynkaŭ. Dachu nivodnaha niama.