ТВ у суботу: "Сувязь" братоў Ўачоўскіх і фільм пра Шчамялёва
“Рабаўніцтва па-француску” з Дэпард’ё, “Сувязь” братоў Ўачоўскіх і дакумэнтальны фільм Марухіна пра беларускага мастака Леаніда Шчамялёва
Лад, 14.45
Мастак Леанід Шчамялёў
Беларусь, 1998, каляровы, 23 хв.
Рэжысэр: Юры Марухін
Жанр: Дакумэнтальны фільм-партэт
Стужка пра беларускага мастака, зьнятая ў традыцыйнай для 90-ых гадоў манеры. Біяграфічныя зьвесткі пра дзяцінства, асноўныя творы, фрагмэнты гутарак. Юры Марухін больш вядомы, як апэратар (“Усходні калідор”, “Магіла льва”). У гэтай карціне ён таксама стаіць за камэрай.
БТ, 19.10
Рабаўніцтва па-француску (Crime Spree)
Канада – Вялікабрытанія, 2003, каляровы, 98 хв.
Рэжысэр: Брэд Мірман
Ролі выконваюць: Жэрар Дэпард’ё, Гарві Кейтэль, Джоні Холідэй, Шон Лоўрэнс, Рышар Барынжэ
Жанр: Крымінальная камэдыя сытуацый
Недарэкі-рабаўнікі, якія прыехалі з Францыі ў Чыкага, у незнаёмым горадзе заблукалі і замест міліянэра памылкова абчысьцілі хроснага бацьку чыкагскай мафіі. Да таго ж на хвасьце ў герояў, акрамя мафіі – ФБР. У скрадзенай машыне – дакумэнты, вельмі патрэбныя амэрыканскаму правасудзьдзю.
НТВ, 23.00
Сувязь (Bound)
ЗША, 1996, каляровы, 109 хв.
Рэжысэр: Лэры Ўачоўскі, Энді Ўачоўскі
Ролі выконваюць: Джэеніфэр Цілі, Джына Гершан, Бэры Кайвэл, Джон Раян, Джо Панталіяна
Жанр: Дэтэктыўны трымценьнік
Адзін з мафіёзьнікаў прысабечыў сабе 2 міліёны даляраў. Яго выкралі, катавалі, забілі… Палюбоўніца аднаго з крымінальнікаў (Джэніфэр Цілі) пра гэта даведалася. А па суседзтве жыла сэксапільная Коркі (Джына Гершан), якая толькі што выйшла з турмы. Зачараваная суседкаю гераіня забрала грошыкі і разам зь сяброўкаю-палюбоўніцай кінулася на ўцёкі. Але ўсё пайшло ня так, як задумвалася…
Дэбют Ўачоўскіх, дзе ўжо закладалася андрагінная стылістыка “Матрыцы”.
Цяпер чытаюць
«Далі 3600 рублёў штрафу». На беларуску напісаў палітычны данос хлопец, з якім яна хадзіла на спатканні і якога злавіла на здрадзе22
Каментары