Трамп заявіў пра далучанасць дырэктара ЦРУ да вырашэння канфлікту ва Украіне
«Рэткліф робіць выдатную працу. Ён уцягнуты ва ўсё», — сказаў прэзідэнт ЗША.
Кіраўнік Цэнтральнага разведвальнага ўпраўлення (ЦРУ) ЗША Джон Рэткліф уцягнуты ва ўсе аспекты перамоў па мірным урэгуляванні ва Украіне, заявіў прэзідэнт Дональд Трамп на борце Air Force One па дарозе з Ірландыі ў ЗША.
«Рэткліф робіць выдатную працу. Ён уцягнуты ва ўсё», — сказаў амерыканскі лідар журналістам.
Пры гэтым Трамп падкрэсліў, што ягоны спецпасланнік Стыў Уіткаф і зяць Джарэд Кушнер таксама «выдатна спраўляюцца» з абавязкамі перамоўшчыкаў.
9 верасня Financial Times паведаміла са спасылкай на амерыканскіх чыноўнікаў, што Рэткліф рыхтуецца атрымаць больш прыкметную ролю ў перамовах ЗША з Расіяй і Украінай.
Па даных газеты, ён можа падлучыцца да чаўнаковай дыпламатыі паміж Масквой і Кіевам, тады як удзел Уіткафа і Кушнера можа скараціцца.
Прадстаўнік ЦРУ Ліз Лайанс неўзабаве абвергла публікацыю. Белы дом таксама абверг артыкул FT аб змене складу перагаворшчыкаў з Расіяй.
Каментары
Трамп: Пуцін хоча міру. Украіна павінна не біць па расійскіх НПЗ.
Кушнер: Калі б Украіна аддала свае тэрыторыі, ужо была б дамова.
Уіткаф: Там былі рэферэндумы, пераважная большасць хоча ў Расію.
Слова таварышу Рэткліфу.