Жонка Алена сустракала каханага яго любімай стравай — тэфтэлямі. Спявак правёў за кратамі два тыдні.
Артыста, які апошнія гады вымушыны працаваць у таксі, затрымалі 21 мая. Пра гэта эмацыйна распавяла ў сацсетках Алена Хлястова: «Майго мужа затрымалі без тлумачэнняў. Ён не парушаў нічога!!!!!!!!!».
Сам жа Аляксей запісаў відэа на выпадак свайго затрымання, у якім расказаў пра «прафілактычныя» размовы з ім у сілавікоў, у тым ліку ў ГУБАЗіКу. Хлястоў прасіў распаўсюдзіць гэтае відэа дзеля сваёй абароны.
Акаўнт, звязаны з сілавікамі, адрэагаваў на гэта і сцвярджаў, што Хлястова ГУБАЗіК выклікаў яшчэ год таму. А цяпер яго шукалі нібыта за тое, што «кінуў сваё аўто пад знакам».
У выніку Хлястова абвінавацілі ў дробным хуліганстве. Суд прызначыў Аляксею 14 сутак адміністрацыйнага арышту.
Цяпер ён ужо дома. Алена Хлястова паказала ў сторыс, як рыхтавалася карміць каханага — яна прыгатавала яго любімыя тэфтэлі.
Дадому яны ехалі на машыне пад песню Хлястова «Я і ты».
Каментары