Зборная Беларусі сыграе на юніёрскім (узрост да 18 гадоў) чэмпіянаце свету па хакеі ў наступным годзе, паведамляе тэлеграм-канал «Хакейная экзотыка».
Турнір пройдзе ў ЗША з 22 красавіка да 2 мая
Як бачна, беларусы згуляюць у адной групе са Славакіяй, Чэхіяй, Канадай і Фінляндыяй.
Беларускія хакеісты знаходзяцца ў хакейным бане разам з расійскім хакеем з пачаткам поўнамаштабнай вайны супраць Украіны з лютага 2022 года. Напрыклад, «дарослыя» хакеісты прапусцілі пяць чэмпіянатаў свету, а таксама кваліфікацыю на Алімпіяду-2026.
Юніёры апошні раз на ЧС таксама гулялі ў 2021 годзе і тады занялі ў групе трэцяе месца.
Пазаўчора, хакейны інсайдар Артур Хайрулін напісаў, што найбліжэйшымі днямі з беларускага хакея можа быць зняты бан, і зборныя будуць вернутыя на спартовыя спаборніцтвы.
Таксама сёння міністр спорту Расіі Міхаіл Дзегцяроў паведаміў, што Дысцыплінарны савет Міжнароднай федэрацыі хакея на лёдзе ануляваў рашэнне Савета ІІХФ аб нядопуску зборных Расіі і Беларусі да спаборніцтваў сезона-2026/27. Магчыма, рашэнне будзе тычыцца і моладзевай і нацыянальнай зборнай.
Цяпер чытаюць
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў2
Каментары