На сустрэчы НАТА дзяржсакратар ЗША аспрэчыў меркаванне пра тое, што амерыканская адміністрацыя выкарыстоўвае размяшчэнне войскаў ЗША як сродак ціску на еўрапейскіх саюзнікаў па НАТА.
«Гэта не пакаранне, а проста пастаянны працэс», — заявіў Рубіа, піша Bild.
Паводле яго слоў, у ЗША ёсць «глабальныя абавязацельствы», якія патрабуюць «пастаянна пераглядаць, дзе менавіта размешчаныя нашы войскі».
Пры гэтым прэзідэнт ЗША Дональд Трамп не хавае незадаволенасці тым, што ЗША трацяць на абарону значна больш, чым іншыя члены НАТА. У 2025 годзе ўсе краіны альянсу нарэшце дасягнулі ўстаноўленай мэты — 2% ВУП на абарону, аднак Трамп патрабуе паказчык у 5%.
Таксама на нераўнамернае размеркаванне выдаткаў скардзіцца не толькі Трамп. Марк Рутэ нядаўна таксама заявіў, што выдаткі на падтрымку Украіны ўнутры альянсу размеркаваныя нераўнамерна.
Паводле яго слоў, асноўную нагрузку нясе толькі «абмежаваная» група краін — Швецыя, Канада, Германія, Нідэрланды і Данія, у той час як многія іншыя дзяржавы «трацяць недастаткова, калі гаворка ідзе пра дапамогу Украіне».
Аднак унутры НАТА няма адзінства адносна таго, наколькі далёка павінна заходзіць падтрымка альянсу, якімі павінны быць доўгатэрміновыя гарантыі бяспекі для Украіны і наколькі наогул рэалістычным з’яўляецца яе ўступленне ў НАТА ў будучыні.
Пакуль у Швецыі міністры замежных спраў НАТА абмяркоўваюць важнейшыя пытанні, сёння высокапастаўленыя прадстаўнікі Пентагона адначасова накіроўваюцца ў Брусель, каб праінфармаваць краіны-члены НАТА пра планы ўдзелу амерыканскіх узброеных сіл у абароне Еўропы.
Цяпер чытаюць
«На караблі кожны дзень — панядзелак». Беларуска расказала пра сваю працу на круізным лайнеры6
Каментары