Спецпасланнік прэзідэнта ЗША Стыў Уіткаф і зяць Дональда Трампа Джарэд Кушнер накіроўваюцца ў Ісламабад, дзе збіраюцца правесці перамовы з міністрам замежных спраў Ірана Аббасам Аракчы. А вось віцэ-прэзідэнт ЗША Джэй Дзі Вэнс пакуль што не плануе ўдзелу ў гэтым раўндзе перамоў, піша CNN са спасылкай на крыніцы.
Раней менавіта Джэй Дзі Вэнс узначальваў амерыканскую дэлегацыю на перамовах з Іранам, але цяпер ён не едзе, бо ў сустрэчы не ўдзельнічае спікер іранскага парламента Махамад-Багер Галібаф. У той жа час Вэнс гатовы далучыцца, калі перамовы пачнуць даваць вынік.
Чакаецца, што ў Ісламабадзе іранскі бок прадставіць сваю пазіцыю наконт далейшага дыялогу з ЗША. На гэты момант у Пакістане ўжо прысутнічае амерыканская дэлегацыя, але яна выконвае толькі дапаможныя функцыі і не мае паўнамоцтваў весці перамовы.
Іран працягвае настойваць на тым, што ключавой умовай для прасоўвання перамоў наперад з’яўляецца зняцце амерыканскай блакады яго партоў.
Адначасова ў ізраільскіх СМІ з’явіліся паведамленні пра магчымы выхад Галібафа з перамоўнай групы. Паводле некаторых крыніц, гэта можа быць звязана з рознагалоссямі ўнутры іранскага кіраўніцтва і няўдачай ініцыятыў, звязаных з частковым аднаўленнем суднаходства праз Армузскі праліў.
Афіцыйныя прадстаўнікі Ірана гэтыя звесткі абверглі і заявілі, што Галібаф працягвае выконваць свае абавязкі, а канчатковы склад перамоўнай дэлегацыі яшчэ не вызначаны.
Калі адбудуцца перамовы ЗША і Ірана і ці адбудуцца яны ўвогуле, становіцца ўсё менш зразумела
Трамп давёў колькасць спыненых войнаў да дзесяці
Вы не чулі пра яго, а ён вызначае кірункі новай, часта нечаканай замежнай палітыкі ЗША
ЗША і Іран не змаглі дасягнуць пагаднення ў Ісламабадзе. Вэнс паехаў з Пакістана
Для Вэнса перамовы ў Ісламабадзе могуць стаць ключавым момантам у кар'еры
Вэнс — Ірану: Не гуляйце з намі!
Цяпер чытаюць
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі5
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2727
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра27
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары
Дзядзька сябруе з Пітерам Тілем (дзіўны немец, які дае лекцыі пра Антыхрыста і кажа што дэмакратыя і свабода некампатыбільныя) і 3 разы мяняў імя і прозвішча.
Усё добра?