У Беларусі пастановай урада прынята рашэнне ўвесці асобны субсідаваны тарыф для некаторых спажыўцоў.
Здымак ілюстрацыйны. Фота: Domovita.by
Тарыф распаўсюджваецца на людзей, якія жывуць у садовых дамках або на дачах і падключаныя да сетак энергазабеспячэння праз «Белэнерга».
Да льготнікаў адносяцца, напрыклад, пенсіянеры, якія не працуюць, інваліды III групы, а таксама іншыя асобы, якія маюць права на льготы і зарэгістраваныя па месцы знаходжання ў такіх дамах.
Для іх устаноўлены зніжаны тарыф — 0,12 рубля за кілават-гадзіну. Але каб ім карыстацца, трэба выканаць шэраг умоў: мець тэхпашпарт на дом, быць афіцыйна зарэгістраваным у ім, не мець у будынку цэнтральнага ацяплення і газазабеспячэння, а таксама мець стацыянарную электрапліту.
Каментары