За два гады колькасць электракараў павялічылася больш чым у чатыры разы. А што з зараднымі станцыямі?
У Беларусі за апошнія два гады колькасць электрамабіляў павялічылася больш чым у чатыры разы. Цяпер па дарогах краіны ездзіць звыш 51 тысячы аўто з «зялёнымі» нумарамі. Пра гэта паведаміў міністр энергетыкі Дзяніс Мароз, піша БелТА.
Яшчэ ў 2018 годзе было прынята рашэнне развіваць зарадную інфраструктуру, а нацыянальным аператарам вызначылі «Беларуснафту».
На сёння ў краіне працуе каля 2100 электразарадных станцый. Аднак хуткі рост колькасці электрамабіляў прыводзіць да таго, што ў асобных месцах узнікае перагрузка станцый.
Да 2030 года ўрад плануе значна павялічыць колькасць электрамабіляў. Для гэтага неабходна ўсталяваць не менш як 16 тысяч дадатковых зарадных станцый. Поспех гэтай задачы залежыць ад своечасовага развіцця электрасетак і падключэння інфраструктуры.
Паводле даных Мінэнерга, у 2025 годзе электрамабілі спажылі каля 92 мільёнаў кВт·г праз зарадныя станцыі. Улічваючы, што частка аўто зараджаецца ад звычайнай бытавой сеткі, агульнае спажыванне электраэнергіі электратранспартам ацэньваецца прыкладна ў 200 мільёнаў кВт·г за год.
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс2
Віктар Лукашэнка засвяціў на пасяджэнні НАК свой гадзіннік — цяжкі люкс
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю77
Каментары