«Часы змяніліся». У Германіі заклікаюць да стварэння еўрапейскай атамнай бомбы
Былы міністр замежных спраў Германіі Ёшка Фішэр выступіў з рэзананснай заявай: Еўропе неабходна ўласнае ядзернае ўзбраенне, бо амерыканскі ядзерны парасон больш не з’яўляецца надзейным.
Былы міністр замежных спраў ФРГ ад партыі «Зялёныя» Ёшка Фішэр адкрыта выказаўся на карысць ядзернага пераўзбраення Еўропы.
«Еўропа павінна пайсці на гэта, бо амерыканскія гарантыі бяспекі з гэтага моманту больш не з’яўляюцца надзейнымі. Германія, безумоўна, нясе адказнасць за лідарства ў Еўропе, але заўсёды толькі сумесна з іншымі», — заявіў Фішэр у інтэрв’ю Tagesspiegel.
Ён прапануе сумеснае ядзернае ўзбраенне для ўсіх краін ЕС.
Паводле яго слоў, было б сур’ёзнай памылкай разглядаць ядзернае ўзбраенне як выключна нацыянальную задачу Германіі:
«Германія ніколі больш не павінна дзейнічаць адна — ніколі. Нам патрэбныя нашы еўрапейскія партнёры».
Фішэр таксама сказаў, што калі б ён сёння быў малады, то пайшоў бы служыць у Бундэсвер:
«Часы змяніліся. Нам пагражаюць. Мы павінны абараняцца. Я і ўявіць сабе не мог, што калі-небудзь скажу гэта. Уся мая палітычная кар’ера, хутчэй, сведчыла аб адваротным».
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА56
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны44
Каментары