ЗША звязалі гарантыі бяспекі для Украіны з перадачай Данбаса Расіі — FT
Адміністрацыя Дональда Трампа дала зразумець Кіеву, што падпісанне гарантый бяспекі магчымае толькі пасля таго, як Украіна заключыць мірную дамову з Расіяй.
Financial Times са спасылкай на восем крыніц піша, што гэтае пагадненне, хутчэй, будзе ўключаць перадачу Данбаса пад кантроль Масквы.
Вашынгтон выкарыстоўвае пытанне гарантый як рычаг ціску. Паводле звестак выдання, ЗША гатовыя паабяцаць Украіне маштабныя пастаўкі ўзбраення для войска мірнага часу, але выстаўляюць умову, што Узброеныя сілы Украіны павінны адысці з тэрыторый, якія яны цяпер кантралююць на ўсходзе. Украінскія і еўрапейскія чыноўнікі ў размове з FT назвалі такую тактыку ЗША спробай «выкруціць рукі» Кіеву дзеля кампрамісу з Масквой.
Каманда Уладзіміра Зяленскага разлічвала на адваротны парадак дзеянняў — спачатку атрымаць гарантыі, каб узмацніць перамоўную пазіцыю, і толькі пасля гэтага абмяркоўваць тэрытарыяльныя пытанні.
У Белым доме інфармацыю пра прымус да здачы тэрыторый назвалі «непраўдзівай», заявіўшы, што роля ЗША — толькі зблізіць пазіцыі бакоў, а ўмовы міру залежаць ад Украіны і Расійскай Федэрацыі.
Цяпер чытаюць
Вясковец з-пад Бабруйска імітаваў сваю смерць, каб не плаціць пазыкі, а пасля загінуў на вайне за Расію2
Вясковец з-пад Бабруйска імітаваў сваю смерць, каб не плаціць пазыкі, а пасля загінуў на вайне за Расію
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары
Відаць такая параза не калі не была мэтай ЗША, ні пры Байдэне, ні пры Трампе. Таму трэба апірацца выключна на сваю зброю і сродкі.