Генадзь Фядыніч з матэрыялаў следства даведаўся, што за ім сачылі 17 гадоў і для гэтага нават ставілі жучкі праз адтуліну з паверха вышэй
Былы старшыня незалежнага Прафсаюза работнікаў радыёэлектроннай прамысловасці Генадзь Фядыніч выйшаў з Бабруйскай калоніі № 2 паўтара месяца таму. У інтэрв'ю «Радыё Свабода» ён распавёў некаторыя дэталі свайго зняволення.
Са слоў былога палітвязня Генадзя Фядыніча, падчас арышту ў КДБ ён даведаўся, што яшчэ да 2020 году ў офісах незалежных прафсаюзаў усталявалі праслухоўванне.
«Аказваецца, за мной асабіста ажно 17 гадоў сачылі — чвэрць жыцця быў, як у той прыказцы, «пад каўпаком у Мюлера». А яшчэ даведаўся, што адзін наш офіс праслухоўвалі з кавярні зверху, усталяваўшы адмысловае шпіёнскае абсталяванне — як у Парыжы ГПУ слухала белагвардзейцаў! Смех!
Пытаўся ў следчых: ці дапамагло гэта сабраць доказы? Бо ў справе нічога з доказаў потым не аказалася. Таму і суд над намі закрылі, бо баяліся, што людзі прыйдуць і пабачаць гэтую фікцыю», — мяркуе былы зняволены.
Генадзю Фядынічу 68 гадоў, з калоніі яго вывезлі 11 верасня і, разам з іншымі палітвязнямі, і адправілі ў Літву.
Арыштавалі яго 19 красавіка 2022 году, падчас прафсаюзнага пасяджэння ў офісе на вуліцы Кульман у Мінску.
«Раптам грукат у дзверы і з таго боку кажуць, што гэта ЖЭС. Адказваю, што «мы ЖЭС не выклікалі». Нашы рагочуць, а адтуль зноў грукат і крыкі, што гэта КДБ. Дарэчы, раней мы пабачылі допіс у міліцэйскім тэлеграме, што ў РЭП нібыта сабраліся экстрэмісты. Тады пасмяяліся і забылі, а тут давялося згадаць. Павезлі нас у КДБ і там, з «амерыканкі», дзесяць дзён цягалі на допыты», — згадаў для «Радыё Свабоды» Генадзь Фядыніч.
Асудзілі Фядыніча на 9 гадоў зняволення па артыкулах аб стварэнні «экстрэмісцкага фарміравання» ці ўдзеле ў ім (арт. 361‑1 КК), распальванні варожасці (арт. 130 КК) і закліках да дзеянняў супраць нацбяспекі (арт. 361 КК).
Вызваленыя з дэпартацыяй 52 палітвязні. Статкевіч адмовіўся пакінуць Беларусь і вярнуўся
Як Фядыніч адкрыў аўтобус Статкевічу на мяжы і як Вінярскі таксама выйшаў, каб застацца ў Беларусі. Новыя падрабязнасці
Былы палітвязень Генадзь Фядыніч расказаў, чаму адмовіўся за кратамі ад аперацыі
Прайшла прэс-канферэнцыя вызваленых палітвязняў
Цяпер чытаюць
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі6
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары