Нятаннае паліто беларускага брэнду сапсавалася за 20 хвілін праз вільготнасць на вуліцы
Непрыемную гісторыю пра вопратку ад небюджэтнага беларускага брэнда распавяла ў Трэдсе блогерка Крысціна Джунько.
Стваральніца інстаграм-блога «Тяжёлый Маркс», які прысвечаны свецкаму жыццю беларускай сталіцы, набыла паліто на восень (наколькі вядома, гаворка ідзе пра беларускі брэнд The Inka — у яго звычайна паліто каштуюць каля 1000 рублёў).
Крысціна купіла верхнюю вопратку ў We are (гэта крама, дзе прадаюцца лакальныя брэнды). На жаль, паліто хутка сапсавалася: на ім з’явіліся дзіўныя хвалі. Блогерка адправілася ў гэтую ж краму па другое паліто таго ж брэнду — бо мадэль ёй вельмі спадабалася. Але яго напаткаў такі ж лёс.
Высветлілася, што праблема ў дублерыне — гэта падкладачная тканіна, якую выкарыстоўваюць для ўмацавання і надання формы дэталям адзення. Яе асноўная задача — зрабіць выраб больш устойлівым да дэфармацыі і не даць тканіне расцягнуцца.
Чаму ж паліто дэфармавалася? Найбольш папулярных прычын такой праблемы дзве: ці то дублерын няправільна прыклеілі да тканіны, ці паліто няправільна пачысцілі ў хімчыстцы (ці дома).
Але ж Крысціна сцвярджае, што другое паліто яна паспела панасіць усяго 20 хвілін на вуліцы. Блогерка звязалася з уладальніцай брэнда. Тая адказала, што, імаверна, прычына ў тым, што паліто трапіла пад дождж. Яна параіла блогерцы браць з сабой парасон: «Не прыдумалі дублерын, які пры моцным намаканні не адслойваецца» — і дадала, што шэрсць страчвае свае ўласцівасці пры намаканні.
Крысціна ж кажа, што дажджу не было, была толькі вільготнасць.
У выніку блогерка ўсё ж змагла вярнуць паліто ў краму і забраць свае грошы. У каментарыях людзі здзіўляліся таму, што беларускі брэнд шые паліто, якія нельга насіць у дождж — бо ўсё ж восень у Беларусі амаль не бывае сухой.
Каля 450 лайкаў набраў каментарый: «Выбачаюся, а навошта патрэбна паліто, якое нельга насіць, калі на вуліцы вільготна? Гэта як пухавік, на які не павінен падаць снег».
Уладальніца беларускага брэнду жаночага адзення Moshe здзівілася шалёным цэнам канкурэнтаў
Беларускі брэнд прадае чэпчыкі і пінжакі з пупырыстага поліэтылену
Чаму адзенне беларускіх модных брэндаў каштуе так дорага? Тлумачыць кіраўніца аднаго з іх
«Выявілася, што не «Армані», а «Арані». Мадэль Dolce&Gabbana распавяла, як яе падманулі ў мінскім буціку
Цяпер чытаюць
23‑гадовы ахоўнік з Астраўца загінуў за Расію на вайне. Паваяваў ён, відаць, каля месяца15
Каментары