Niatannaje palito biełaruskaha brendu sapsavałasia za 20 chvilin praź vilhotnaść na vulicy
Niepryjemnuju historyju pra vopratku ad niebiudžetnaha biełaruskaha brenda raspaviała ŭ Tredsie błohierka Kryścina Džuńko.
Stvaralnica instahram-błoha «Tiažiołyj Marks», jaki pryśviečany śvieckamu žyćciu biełaruskaj stalicy, nabyła palito na vosień (nakolki viadoma, havorka idzie pra biełaruski brend The Inka — u jaho zvyčajna palito kaštujuć kala 1000 rubloŭ).
Kryścina kupiła vierchniuju vopratku ŭ We are (heta krama, dzie pradajucca łakalnyja brendy). Na žal, palito chutka sapsavałasia: na im źjavilisia dziŭnyja chvali. Błohierka adpraviłasia ŭ hetuju ž kramu pa druhoje palito taho ž brendu — bo madel joj vielmi spadabałasia. Ale jaho napatkaŭ taki ž los.
Vyśvietliłasia, što prablema ŭ dublerynie — heta padkładačnaja tkanina, jakuju vykarystoŭvajuć dla ŭmacavańnia i nadańnia formy detalam adzieńnia. Jaje asnoŭnaja zadača — zrabić vyrab bolš ustojlivym da defarmacyi i nie dać tkaninie raściahnucca.
Čamu ž palito defarmavałasia? Najbolš papularnych pryčyn takoj prablemy dźvie: ci to dubleryn niapravilna prykleili da tkaniny, ci palito niapravilna pačyścili ŭ chimčystcy (ci doma).
Ale ž Kryścina śćviardžaje, što druhoje palito jana paśpieła panasić usiaho 20 chvilin na vulicy. Błohierka źviazałasia z uładalnicaj brenda. Taja adkazała, što, imavierna, pryčyna ŭ tym, što palito trapiła pad doždž. Jana paraiła błohiercy brać z saboj parason: «Nie prydumali dubleryn, jaki pry mocnym namakańni nie adsłojvajecca» — i dadała, što šerść stračvaje svaje ŭłaścivaści pry namakańni.
Kryścina ž kaža, što daždžu nie było, była tolki vilhotnaść.
U vyniku błohierka ŭsio ž zmahła viarnuć palito ŭ kramu i zabrać svaje hrošy. U kamientaryjach ludzi ździŭlalisia tamu, što biełaruski brend šyje palito, jakija nielha nasić u doždž — bo ŭsio ž vosień u Biełarusi amal nie byvaje suchoj.
Kala 450 łajkaŭ nabraŭ kamientaryj: «Vybačajusia, a navošta patrebna palito, jakoje nielha nasić, kali na vulicy vilhotna? Heta jak puchavik, na jaki nie pavinien padać śnieh».
Uładalnica biełaruskaha brendu žanočaha adzieńnia Moshe ździviłasia šalonym cenam kankurentaŭ
Biełaruski brend pradaje čepčyki i pinžaki z pupyrystaha polietylenu
Čamu adzieńnie biełaruskich modnych brendaŭ kaštuje tak doraha? Tłumačyć kiraŭnica adnaho ź ich
«Vyjaviłasia, što nie «Armani», a «Arani». Madel Dolce&Gabbana raspaviała, jak jaje padmanuli ŭ minskim buciku
Litva znoŭ zakryvaje miažu ź Biełaruśsiu — na niavyznačany termin9
Litva znoŭ zakryvaje miažu ź Biełaruśsiu — na niavyznačany termin
Jeździli šukać navat u BSSR, a nieapaznanaje cieła 30 hadoŭ lažała ŭ śpiecschoviščy. Novyja detali zahadkavaha źniknieńnia ŭ ZŠA biełaruskaha piśmieńnika Mikoły Celeša22
Kamientary