Čamu adzieńnie biełaruskich modnych brendaŭ kaštuje tak doraha? Tłumačyć kiraŭnica adnaho ź ich

Rastłumačyć situacyju vyrašyła kiraŭnica brendu Espireo. Dziaŭčyna raskazała ŭ tyktoku, što pytańni pra vysoki košt biełaruskich brendaŭ davoli časta sustrakaje ŭ internecie.

— Pa-pieršaje, usio naša adzieńnie šyjecca i viažacca ŭ Biełarusi biełaruskimi rukami. Nie rukami dziaciej z Kitaja, Vjetnama ci Banhładeša. Heta, biezumoŭna, upłyvaje na košt.

Dziaŭčyna adznačaje, što brend tolki raspracoŭvaje madeli, a pašyŭ zamaŭlaje ŭ pradpryjemstvaŭ. Tamu apłačvać treba nie tolki pracu švački, ale i akazańnie biznes-pasłuhi.

— Druhi punkt vydatkaŭ — heta zakup materyjałaŭ (u pieršuju čarhu tkanin). Na žal, z-za taho, što my vielmi maleńki brend adzieńnia, my nie možam zakazvać tkaniny z Kitaja, Turcyi napramuju. My zakuplajem tkaniny ŭ Biełarusi ŭ pastaŭščykoŭ. Pastaŭščyk — heta pasiarednik u łahistyčnym łancužku. I kožny čarhovy pastaŭščyk nakručvaje svaju kapieječku. I my jak kančatkovaje źviano płacim bolš, čym kali b mahli kuplać tkaniny napramuju ŭ zavoda. Takija realii maleńkaha biznesu.

@espireo

Počiemu odiežda biełorusskich briendov takaja dorohaja?

♬ orihinalnyj zvuk - ESPIREO - bazovyj hardierob

Dziaŭčyna taksama adznačaje, što, kab zapłacić supracoŭniku peŭnuju sumu hrošaj na kartku, brendu treba vydatkavać sumu prykładna ŭ paŭtary razu bolš, kab zrabić za čałavieka ŭnioski ŭ FSAN (34%) i inšyja.

— Čaćviorty punkt — heta ŭtrymańnie kramy: arenda, kamunałka, kandycyjanier. Sioleta my tolki na pakupku i ŭstaloŭku kandycyjaniera patracili 12 tysiač rubloŭ — heta vializnyja hrošy dla nas. I ŭsio heta vylivajecca ŭ istotnyja vydatki, jakija my pavinny ŭklučać u košt našych vyrabaŭ.

Kiraŭnica brendu kaža, što šmat hrošaj sychodzić i na markietynh:

— Rekłama, stvareńnie kantentu, tyja ž pryhožyja pakieciki, drukavanaja pradukcyja, mierapryjemstva brendu.

Videa zavirusiłasia ŭ tyktoku. Ale, niahledziačy na tłumačeńni, ludzi praciahnuli aburacca cenami ŭ kamientaryjach, śćviardžajučy, što siaredniestatystyčny biełarus nie moža sabie dazvolić nabyć švedar za 190 rubloŭ.

Pavialičyć

Darečy, raniej u akaŭncie brendu Espireo u tyktoku supracoŭniki aburalisia, što stamilisia admyvać tanalny krem z adzieńnia paśla prymierki.

— Nie viedaju, što robiać u mas-markiecie, ale my źbirajem takija rečy, niasiom ich u chimčystku. My płacim za heta šmat hrošaj. Potym niasiom usio nazad, i tak prosta biaskonca.

Kab niejak vyrašyć hetu prablemu brend prapanavaŭ naviedvalnicam svajoj kramy pierad prymierkaj naciahvać na tvar śpiecyjalnyja adnarazovyja šapački-maski, kab nie zapeckać adzieńnie.

• 12
• 0
• 2
• 5
• 0
• 0
• 0
• 0