Трамп перапыніў сустрэчу на Алясцы пасля доўгай лекцыі Пуціна пра Рурыка і Яраслава Мудрага
Падчас саміту на Алясцы 15 жніўня Уладзімір Пуцін адхіліў прапановы Дональда Трампа аб спыненні вайны і пачаў доўгую гістарычную лекцыю. Пасля гэтага Трамп перапыніў сустрэчу, піша Financial Times са спасылкай на свае крыніцы.
У прысутнасці некалькіх дарадцаў Пуцін адхіліў прапанову ЗША аб паслабленні санкцый узамен на спыненне агню, настойваючы, што вайна скончыцца толькі калі Украіна капітулюе і саступіць больш тэрыторыі на Данбасе.
Затым расійскі прэзідэнт прачытаў гістарычную лекцыю пра «адзінства Расіі і Украіны», якая ахоплівала сярэднявечных князёў, такіх як Рурык і Яраслаў Мудры, а таксама казацкага гетмана XVII стагоддзя Багдана Хмяльніцкага.
Збіты з толку, Трамп некалькі разоў павышаў голас і ў адзін момант пагражаў сысці. У канчатковым выніку ён спыніў сустрэчу і адмяніў запланаваны абед, дзе больш шырокія дэлегацыі павінны былі абмеркаваць эканамічныя сувязі і супрацоўніцтва.
Гэты саміт на Алясцы стаў паваротным момантам, які паклаў пачатак зруху ў палітыцы Трампа на карысць Украіны.
На Алясцы Трамп сказаў, што ЗША гатовыя прызнаць анэксію Крыма Расіяй у 2014 годзе і падштурхнуць Украіну да адвядзення войскаў з некаторых пазіцый на лініі фронту ва ўсходнім рэгіёне Данбаса, калі Расія спыніць баявыя дзеянні, паведамілі дзве крыніцы, знаёмыя з сітуацыяй.
Але меркаваная здзелка была заснавана на памылковых уяўленнях. Тэрытарыяльныя «саступкі» Расіі зводзіліся да згоды на замарожванне лініі фронту ў некаторых раёнах, якія яна не змагла захапіць сілай — патрабуючы пры гэтым, каб Украіна здала ўвесь Данбас.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе9
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары
Рюрик был беларусом из под Гродно.
Мы Литва и мы Русь!
Какие ещё вопросы?
Можа амерыканцы трохі зразумеюць, чаму вайна распачалася на самой справе.