Пуцін і Трамп скончылі перамовы. Трамп заявіў, што здзелкі пакуль няма
Пасля перамоў у Анкорыджы (Аляска) Дональд Трамп і Уладзімір Пуцін выступілі з абцякальнымі заявамі.
Перамовы Трампа і Пуціна цягнуліся 2 гадзіны 45 хвілін. Пасля саміту Трамп патэлефанаваў Зяленскаму і еўрапейскім лідарам.
У інтэрв’ю Fox News, запісаным да пачатку сустрэчы з Пуціным, Трамп сказаў, што хоча скончыць вайну ва Украіне на гэтым тыдні. Ён таксама заявіў, што ў наступнай сустрэчы будуць удзельнічаць ён, Пуцін і Зяленскі.
Падчас прэс-канферэнцыі Пуцін сказаў, што перамовы прайшлі грунтоўна і канструктыўна. І прачытаў кароткую лекцыю пра Аляску.
Ён заявіў, што адной з цэнтральных тэм сустрэчы стала вайна ва Украіне.
«Мы заўсёды лічылі ўкраінскі народ брацкім. Каб урэгуляванне было ўстойлівым, трэба ліквідаваць першапрычыны канфлікту», — сказаў Пуцін.
Ён дадаў, што Масква разлічвае, што ў еўрапейскіх сталіцах «не будуць чыніць перашкод і спрабаваць сарваць намечаны прагрэс».
Трамп заявіў, што здзелкі пакуль няма.
«У нас была вельмі прадуктыўная сустрэча, мы абмеркавалі многія пытанні, мы не змаглі знайсці поўнага разумення, здзелкі пакуль няма», — сказаў ён.
Трамп дадаў, што спадзяецца ў хуткім часе зноў пабачыцца з Пуціным.
«Next time in Moscow», — сказаў Пуцін яму па-англійску, на што Трамп аджартаваўся.
Пасля кароткай прэс-канферэнцыі Пуцін і Трамп не сталі адказваць на пытанні журналістаў.
Сумесны абед прэзідэнтаў адмянілі. Перамовы завяршыліся.
Цяпер чытаюць
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі20
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1616
Каментары
Хто б мог такое ўявіць?
Што закладаць у чаканні на наступны год?