«Куды глядзіць санстанцыя?» У сталоўцы, дзе харчуюцца сляпыя людзі, прадаюць катлеты з сырым мясам
Беларуска звярнула ўвагу, што ў сталічнай сталовай прадпрыемства «Святлопрылада» не першы раз прадаюць катлеты з сырым мясам. «Я не скандальны блогер, але гэта ўжо трэці раз. Сталовая на Якубоўскага, 52, вы корміце ў асноўным слабых на зрок і невідушчых людзей! Вы падсоўваеце ім сырое мяса!»
На відэа катлет, якім жанчына падзялілася ў тыктоку, сапраўды можна разглядзець кавалкі сырога фаршу. Па словах блогеркі, адзін раз у катлеце з гэтай сталовай яна ўвогуле знайшла манету. У другі раз яна вымушаная была цэлы дзень піць актываваны вугаль і прэпарат «Палісорб» пасля таго, як з’ела там паўсырую катлету. На трэці раз, сутыкнуўшыся з сырым мясам у тэфтэлях, яна вырашыла не маўчаць.
«Я разумею, вы ўжо зробленыя тэфтэлі з продажу не прыбярэце. Я паклікала кухара, і яна нічога не зрабіла з падносам тых тэфтэляў! Але калі нехта атруціцца, у вас будуць іншыя праблемы! Так нельга. Гэта жыццё і здароўе людзей!»
На прадпрыемстве «Святлопрылада» сапраўды працуюць людзі з дрэнным зрокам. Па стане на 2024 год са 1190 супрацоўнікаў амаль 615 былі з інваліднасцю па зроку. Яны — пастаянныя кліенты сталовай прадпрыемства.
«Гэтыя людзі могуць не ўбачыць няякасную ежу, таму з ёй трэба скончыць», — упэўненыя каментатары.
Як стала вядома пазней, санстанцыя звярнула ўвагу на скаргі жанчыны.
«Па факце парушэнняў санітарна-эпідэміялагічнага заканадаўства Беларусі распачаты адміністрацыйны працэс у дачыненні да адказнай службовай асобы», — расказалі ў санітарнай службе «Мінск-Навінам». Пры гэтым у дзень праверкі 16 кастрычніка кантралёры праблем у сталовай не выявілі.
Бізнэсовец родам з Бабруйска адмовіцца ад свайго гіганцкага аўстралійскага заробку дзеля шанцу атрымаць $35 мільёнаў3
Каментары