«Kudy hladzić sanstancyja?» U stałoŭcy, dzie charčujucca ślapyja ludzi, pradajuć katlety z syrym miasam
Biełaruska źviarnuła ŭvahu, što ŭ staličnaj stałovaj pradpryjemstva «Śviatłopryłada» nie pieršy raz pradajuć katlety z syrym miasam. «Ja nie skandalny błohier, ale heta ŭžo treci raz. Stałovaja na Jakuboŭskaha, 52, vy kormicie ŭ asnoŭnym słabych na zrok i nieviduščych ludziej! Vy padsoŭvajecie im syroje miasa!»
Na videa katlet, jakim žančyna padzialiłasia ŭ tyktoku, sapraŭdy možna razhladzieć kavałki syroha faršu. Pa słovach błohierki, adzin raz u katlecie z hetaj stałovaj jana ŭvohule znajšła manietu. U druhi raz jana vymušanaja była ceły dzień pić aktyvavany vuhal i preparat «Palisorb» paśla taho, jak źjeła tam paŭsyruju katletu. Na treci raz, sutyknuŭšysia z syrym miasam u teftelach, jana vyrašyła nie maŭčać.
«Ja razumieju, vy ŭžo zroblenyja tefteli z prodažu nie prybiarecie. Ja paklikała kuchara, i jana ničoha nie zrabiła z padnosam tych teftelaŭ! Ale kali niechta atrucicca, u vas buduć inšyja prablemy! Tak nielha. Heta žyćcio i zdaroŭje ludziej!»
Na pradpryjemstvie «Śviatłopryłada» sapraŭdy pracujuć ludzi z drennym zrokam. Pa stanie na 2024 hod sa 1190 supracoŭnikaŭ amal 615 byli ź invalidnaściu pa zroku. Jany — pastajannyja klijenty stałovaj pradpryjemstva.
«Hetyja ludzi mohuć nie ŭbačyć niajakasnuju ježu, tamu ź joj treba skončyć», — upeŭnienyja kamientatary.
Jak stała viadoma paźniej, sanstancyja źviarnuła ŭvahu na skarhi žančyny.
«Pa fakcie parušeńniaŭ sanitarna-epidemijałahičnaha zakanadaŭstva Biełarusi raspačaty administracyjny praces u dačynieńni da adkaznaj słužbovaj asoby», — raskazali ŭ sanitarnaj słužbie «Minsk-Navinam». Pry hetym u dzień pravierki 16 kastryčnika kantralory prablem u stałovaj nie vyjavili.
-
«Zarobak startavaŭ z $440». Biełaruski raskazali, jak pracujuć i zarablajuć na Blizkim Uschodzie
-
Pradstaŭnica Akademii navuk raskryła ŭzrovień naradžalnaści ŭ Biełarusi. Jon žachliva nizki
-
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka
«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka2
«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1111
Kamientary