Ізраіль афіцыйна пагадзіўся на перамір'е ў Газе. Вызваленне закладнікаў можа пачацца ў панядзелак
Ізраіль пачынае вывад войскаў з сектара Газа, паведамляюць некаторыя СМІ.
Учора ўвечары, пасля доўгіх абмеркаванняў, ізраільскі кабінет міністраў афіцыйна зацвердзіў здзелку па Газе, прапанаваную прэзідэнтам ЗША Дональдам Трампам, піша Bild.
Паводле звестак Times of Israel, ізраільскія войскі цяпер павінны неадкладна адысці на ўзгодненую лінію ўнутры сектара Газа — гэты працэс, па словах амерыканскіх афіцыйных асоб, зойме менш за 24 гадзіны.
«Затым пачнецца 72‑гадзінны адлік, і ХАМАС паспрабуе, калі магчыма, дзейнічаць раней», — гаворыцца ў заяве ЗША. «Па нашай ацэнцы, вызваленне закладнікаў пачнецца ў панядзелак».
У Газе дагэтуль утрымліваюцца 48 закладнікаў, з якіх, паводле ізраільскіх звестак, 20 яшчэ жывыя.
У абмен Ізраіль выпусціць каля 250 палестынцаў, прысуджаных да пажыццёвага зняволення, а таксама прыкладна 1700 чалавек, арыштаваных пасля 7 кастрычніка 2023 года.
Паводле звестак прадстаўнікоў урада ЗША, на Блізкім Усходзе будуць размешчаны каля 200 амерыканскіх салдат, каб кантраляваць выкананне перамір'я ў сектары Газа. Да іх таксама далучацца прадстаўнікі армій Егіпта, Катара, Турцыі і, магчыма, Аб'яднаных Арабскіх Эміратаў.
Па паведамленнях СМІ, першыя ізраільскія войскі ўжо пакінулі сектар Газа ў ноч на пятніцу.
Як паведамляе Times of Israel, у некаторых раёнах прыбярэжнай паласы вывад суправаджаўся артылерыйскімі абстрэламі і авіяўдарамі — для забеспячэння бяспекі войскаў. Адвод да дэмаркацыйных ліній, узгодненых у мірным плане, працягваўся да раніцы, а некаторыя войскі ўжо цалкам пакінулі сектар Газа.
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары