Izrail aficyjna pahadziŭsia na pieramirje ŭ Hazie. Vyzvaleńnie zakładnikaŭ moža pačacca ŭ paniadziełak
Izrail pačynaje vyvad vojskaŭ ź siektara Haza, paviedamlajuć niekatoryja ŚMI.
Učora ŭviečary, paśla doŭhich abmierkavańniaŭ, izrailski kabiniet ministraŭ aficyjna zaćvierdziŭ ździełku pa Hazie, prapanavanuju prezidentam ZŠA Donaldam Trampam, piša Bild.
Pavodle źviestak Times of Israel, izrailskija vojski ciapier pavinny nieadkładna adyści na ŭzhodnienuju liniju ŭnutry siektara Haza — hety praces, pa słovach amierykanskich aficyjnych asob, zojmie mienš za 24 hadziny.
«Zatym pačniecca 72‑hadzinny adlik, i CHAMAS pasprabuje, kali mahčyma, dziejničać raniej», — havorycca ŭ zajavie ZŠA. «Pa našaj acency, vyzvaleńnie zakładnikaŭ pačniecca ŭ paniadziełak».
U Hazie dahetul utrymlivajucca 48 zakładnikaŭ, ź jakich, pavodle izrailskich źviestak, 20 jašče žyvyja.
U abmien Izrail vypuścić kala 250 palestyncaŭ, prysudžanych da pažyćciovaha źniavoleńnia, a taksama prykładna 1700 čałaviek, aryštavanych paśla 7 kastryčnika 2023 hoda.
Pavodle źviestak pradstaŭnikoŭ urada ZŠA, na Blizkim Uschodzie buduć raźmieščany kala 200 amierykanskich sałdat, kab kantralavać vykanańnie pieramirja ŭ siektary Haza. Da ich taksama dałučacca pradstaŭniki armij Jehipta, Katara, Turcyi i, mahčyma, Abjadnanych Arabskich Emirataŭ.
Pa paviedamleńniach ŚMI, pieršyja izrailskija vojski ŭžo pakinuli siektar Haza ŭ noč na piatnicu.
Jak paviedamlaje Times of Israel, u niekatorych rajonach prybiarežnaj pałasy vyvad supravadžaŭsia artyleryjskimi abstrełami i avijaŭdarami — dla zabieśpiačeńnia biaśpieki vojskaŭ. Advod da demarkacyjnych linij, uzhodnienych u mirnym płanie, praciahvaŭsia da ranicy, a niekatoryja vojski ŭžo całkam pakinuli siektar Haza.
Ciapier čytajuć
Łukašenka: Što tvorycca ŭ krainie, u nas usie hetuju huś kruciać6
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2121
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna21
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5656
Kamientary