Лукашэнка сёння прыняў з дакладам прэм’ер-міністра Аляксандра Турчына, піша БелТА.
— Перад размовай з вамі запытаў інфармацыю аб касяках урада. ВУП — 101,6 (тэмп росту), але прасаджваюцца галоўныя галіны. І мяне што здзіўляе: я вам даручыў заняцца непасрэдна прамысловасцю. Ладна, па сельскай гаспадарцы — вы, магчыма, забяспечыце год. Ураджайнасць вышэйшая і гэтак далей. Па 9 месяцах падлічым — паглядзім. Але тым не менш у нас адставанне і па сельскай гаспадарцы. Хай там доля працэнта. Але адставанне і па прамысловасці. Прамысловасць — вашае пытанне. Пытанне нумар адзін. Арганізоўвайце, напружвайце, прадавайце. Таму што экспарт у нас, што больш за ўсё напружвае, прасеў на 2,5%, — сказаў Лукашэнка.
Аляксандр Турчын удакладніў, што скарачэнне экспарту датычыцца тавараў, але разам з паслугамі тэмп росту экспарту ў гэтым годзе складае 101,2%.
— Але і тавары трэба падцягваць. Бо тавары — гэта людзі. Гэта працоўныя калектывы, заработная плата, — заўважыў Лукашэнка.
Ён таксама звярнуў увагу, што запасы на складах выраслі на Br2,5 млрд. З гэтай нагоды прэм’ер-міністр далажыў, што ўжо пачалося іх скарачэнне.
— Дай бог, калі мы выйдзем па выніках года, — адрэагаваў ён.
Лукашэнка таксама згадаў пра вялікі аб’ём сметанковага масла на складах, у той час як, напрыклад, у Кітаі заяўляюць пра гатоўнасць купляць гэты тавар.
Ён таксама адзначыў, што аб’ёмы вытворчасці свініны ў Беларусі аднаўляюцца недастатковымі тэмпамі.
— Ну і, як звычайна, дрэваапрацоўка і лёгкая прамысловасць, — адзначыў Аляксандр Лукашэнка, кажучы пра недапрацоўкі па галінах.
— Я разумею. Гэта касякі выбралі. Ёсць і станоўчае. У гэтыя складаныя часы няпроста працаваць. Але тым не менш, — сказаў ён.
Таксама Лукашэнка даручыў сфармаваць у Нацбанку групу, якая будзе аналізаваць сітуацыю ў эканоміцы.
— Хачу, каб вы ведалі, каб не было тут ніякай рэўнасці. Я папрасіў былога прэм’ера (былых жа не бывае) — малады чалавек, адукаваны, вопытны, каб ён (гаворка пра Рамана Галоўчанку, які цяпер узначальвае Нацбанк) стварыў групу ў сябе ў Нацыянальным банку. А такія людзі ёсць у Нацбанку — разумныя, граматныя, якія ведаюць эканоміку. І каб яны дапамагалі паралельна з Камітэтам дзяржкантролю. Таму што не зусім функцыя Камітэта дзяржкантролю, ведаеш, чым ён павінен займацца. Каб яны мяне інфармавалі і аналізавалі сітуацыю ў эканоміцы. А па грошах жа відаць усё. Ты ж эканаміст, разумееш, — сказаў Аляксандр Лукашэнка.
— Таму без усялякіх крыўд. Я Галоўчанку папрасіў: «Сфармуй мне такую групу ў Нацбанку, ты яе кіраўнік і аб’ектыўна павінен мне аналізаваць і дакладаць. Таму што маё ўражанне — гэта адно. А тое — спецыялісты. Гэта, канечне, не будзе закрытая інфармацыя. Прэм’ер павінен яе бачыць і будзе бачыць», — дадаў Лукашэнка.
Цяпер чытаюць
Мастакоў Рымашэўскага і Шчамялёву пратрымалі амаль год у СІЗА, але далі такі тэрмін, каб у судзе адпусціць дадому3
Каментары
Хлеб на той неделе сразу на 3,5%, батон уже несколько раз за месяц почти на 7%.
«Молочный мир» так провёл модернизацию производства сливочного масла в своём производственном цеху «Слоним», что в результате пакетированное масло вместо ГОСТ перешло на СТБ. Если раньше масло из-за технологии производства было пластичным даже в холодильнике, а при комнатной температуре становилось более мягким, сохраняя свою консистенцию, то после модернизации оно сочится, как корова во время течки... Если раньше его расхватывали, то теперь оно месяцами валяется на витрине. И вообще в магазинах на минимальных акциях пытаются сбывать завалявшееся масло, которое ещё в июне было произведено, то есть срок годности вот-вот закончится.