Міністр унутраных спраў Польшчы: Закрыццё мяжы будзе часовым, але адменяць яго не аўтаматычна
Прэм’ер-міністр Дональд Туск 9 верасня абвясціў, што ў сувязі з пачаткам расійска-беларускіх вучэнняў «Захад-2025» у ноч з чацвярга на пятніцу Польшча зачыніць мяжу з Беларуссю, у тым ліку чыгуначныя пераходы. Міністр унутраных спраў і адміністрацыі Польшчы Марцін Кервінскі даў адносна гэтай справы дадатковыя тлумачэнні.
Міністр падкрэсліў, што гаворка ідзе пра поўнае закрыццё ўсіх пунктаў пропуску, прыводзячы ў прыклад пераход у Тэрэспалі — як аўтамабільны, так і чыгуначны для таварных саставаў.
Марцін Кервінскі адзначыў, што закрыццё будзе часовым.
«Найбольш актыўная форма вучэнняў «Захад», як паведамляюць іх арганізатары — гэта 12-16 верасня, але мы будзем сачыць за тым, як складваецца сітуацыя. Памежныя пераходы будуць адкрытыя толькі тады, калі мы будзем на 100 працэнтаў упэўненыя, што Польшчы, для польскіх грамадзян гэта не ўяўляе ніякай пагрозы», — растлумачыў міністр.
Таксама ён сказаў, што не плануецца пашыраць памежную зону, такія размовы нават не вядуцца.
Польшча закрывае мяжу з Беларуссю ў сувязі з вучэннямі «Захад-2025»
Да чаго прывядзе поўнае закрыццё мяжы з Польшчай
Літва ўзмоцніць ахову мяжы з Беларуссю і Расіяй на час вучэнняў
Кампаніі, якія арганізуюць паездкі ў Польшчу, адмяняюць рэйсы
Ціханоўская: Для беларусаў мяжа з Польшчай — мяжа са свабодным светам
Перасцярогі перад «новымі Жыткавічамі». Кіеў дарма бачыць пагрозу ў будаўніцтве мастоў цераз Прыпяць і Мухавец31
Каментары