Падчас нападаў на два аэрапорты ў Саудаўскай Аравіі загінулі тры чалавекі, яшчэ 36 атрымалі раненні
Прадстаўнік еменскіх хусітаў заявіў, што групоўка атакавала аэрапорт Эр-Рыяда некалькімі беспілотнікамі.
Падчас нападаў на два аэрапорты ў Саудаўскай Аравіі загінулі тры чалавекі, яшчэ 36 атрымалі раненні. Пра гэта паведамляе Reuters са спасылкай на ўлады Саудаўскай Аравіі.
У міжнародным аэрапорце імя караля Халіда ў Эр-Рыядзе загінуў адзін чалавек, яшчэ восем былі параненыя. Падчас атакі на аб'екты аэрапорта Абха загінулі два чалавекі, 28 атрымалі раненні.
Атакі адбыліся 6 і 7 кастрычніка. Які з аэрапортаў быў атакаваны ў кожны з гэтых дзён, улады не ўдакладнілі.
Прадстаўнік еменскіх хусітаў заявіў, што групоўка атакавала аэрапорт Эр-Рыяда некалькімі беспілотнікамі.
Кааліцыя на чале з Саудаўскай Аравіяй паабяцала, што ўдары «не застануцца без пакарання», а позна ўвечары 7 кастрычніка паведаміла пра атакі на больш чым 80 ваенных аб'ектаў хусітаў у чатырох правінцыях Емена.
У той жа дзень хусіты атакавалі міжнародны аэрапорт Адэна балістычнымі ракетамі і беспілотнікамі з выбухоўкай, паведаміла міністэрства транспарту Емена.
Атакі адбыліся на фоне ўзмацнення баявых дзеянняў паміж хусітамі і ўрадавымі сіламі Емена, якія падтрымліваюцца Саудаўскай Аравіяй. Паводле звестак Міжнароднай арганізацыі па міграцыі, з пачатку новага абвастрэння больш за 200 тысяч чалавек былі вымушаныя пакінуць свае дамы.
«Бульба» з Оршы пайшоў ваяваць за Расію — цяпер сястра шукае яго ці хаця б яго парэшткі9
Каментары