Вызначылі парадак прызначэння пенсій жыхарам Беларусі з працоўным стажам ва Украіне
Аляксандр Лукашэнка 14 жніўня падпісаў указ «Аб прызначэнні пенсій асобным катэгорыям грамадзян за працу ва Украіне». Гэты дакумент уносіць змены ва ўказ ад 30 жніўня 2014 года № 420 «Аб асобах, якія прыбылі ў Рэспубліку Беларусь», які рэгуляваў аказанне дапамогі тым, хто прыехаў з Украіны і апынуўся ў цяжкай жыццёвай сітуацыі.
Як заяўляецца, прыняцце новага ўказа звязана з тым, што спынілася дзеянне міжурадавага пагаднення Беларусі і Украіны аб гарантыях правоў грамадзян у сферы пенсійнага забеспячэння ад 14 снежня 1995 года (яно было дэнансавана Украінай). У выніку страцілі моц юрыдычныя падставы для ўключэння перыядаў працы ва Украіне з 1 студзеня 1992 года па 1 ліпеня 1998 года ў стаж для прызначэння працоўнай пенсіі ў Беларусі.
Чакаецца, што рэалізацыя ўказа будзе садзейнічаць сацыяльнай абароне правоў грамадзян, якія пастаянна жывуць у Беларусі і мелі перыяды працы ва Украіне.
Выдаткі на выплату пенсій будуць забяспечвацца ў межах штогадовых запланаваных сродкаў дзяржаўнага пазабюджэтнага фонду сацыяльнай абароны насельніцтва.
Каментары