Vyznačyli paradak pryznačeńnia piensij žycharam Biełarusi z pracoŭnym stažam va Ukrainie
Alaksandr Łukašenka 14 žniŭnia padpisaŭ ukaz «Ab pryznačeńni piensij asobnym katehoryjam hramadzian za pracu va Ukrainie». Hety dakumient unosić źmieny va ŭkaz ad 30 žniŭnia 2014 hoda № 420 «Ab asobach, jakija prybyli ŭ Respubliku Biełaruś», jaki rehulavaŭ akazańnie dapamohi tym, chto pryjechaŭ z Ukrainy i apynuŭsia ŭ ciažkaj žyćciovaj situacyi.
Jak zajaŭlajecca, pryniaćcie novaha ŭkaza źviazana z tym, što spyniłasia dziejańnie mižuradavaha pahadnieńnia Biełarusi i Ukrainy ab harantyjach pravoŭ hramadzian u śfiery piensijnaha zabieśpiačeńnia ad 14 śniežnia 1995 hoda (jano było denansavana Ukrainaj). U vyniku stracili moc jurydyčnyja padstavy dla ŭklučeńnia pieryjadaŭ pracy va Ukrainie z 1 studzienia 1992 hoda pa 1 lipienia 1998 hoda ŭ staž dla pryznačeńnia pracoŭnaj piensii ŭ Biełarusi.
Čakajecca, što realizacyja ŭkaza budzie sadziejničać sacyjalnaj abaronie pravoŭ hramadzian, jakija pastajanna žyvuć u Biełarusi i mieli pieryjady pracy va Ukrainie.
Vydatki na vypłatu piensij buduć zabiaśpiečvacca ŭ miežach štohadovych zapłanavanych srodkaŭ dziaržaŭnaha pazabiudžetnaha fondu sacyjalnaj abarony nasielnictva.
Ciapier čytajuć
«Biełaruś pieradusim». Što viadoma pra 23‑hadovaha aficera śpiecnaza, jakoha asudzili na 19 hadoŭ za «zdradu dziaržavie»6
«Biełaruś pieradusim». Što viadoma pra 23‑hadovaha aficera śpiecnaza, jakoha asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie5959
Kamientary