14 žniŭnia Alaksandr Łukašenka padpisaŭ ukaz ab pieraraźliku pracoŭnych piensij z 1 vieraśnia. Zhodna ź infarmacyjaj pres-słužby palityka, vypłaty ŭ siarednim pavialičacca na 5%.
Pavodle papiaredniaj acenki Minpracy, siaredni pamier piensii pa ŭzroście ŭ vieraśni składzie kala 980 rubloŭ.
Vieličynia pavyšeńnia budzie zaležać ad:
- praciahłaści pracoŭnaha stažu i pamieru zarobku, jaki ŭličvajecca pry raźliku piensii,
- ustanoŭlenych dapłat da asnoŭnaj piensii.
Na vieraśnioŭskija piensijnyja vypłaty nakirujuć kala 2,2 miljarda rubloŭ, ź ich 107 miljonaŭ — dadatkovyja srodki na pavyšeńnie.
U Minpracy padličyli, što ŭ paraŭnańni ź vieraśniem 2024 hoda piensii vyrastuć na 167 rubloŭ, abo na 20,5% u hadavym vyražeńni. Heta ŭžo druhoje pavyšeńnie ŭ 2025 hodzie: pieršaje adbyłosia z 1 lutaha i skłała 10%.
Pavyšeńnie zakranie ŭsie vidy pracoŭnych piensij — pa ŭzroście, za vysłuhu hadoŭ, pa invalidnaści i ŭ suviazi sa strataj karmilca. U Biełarusi atrymalnikami takich piensij źjaŭlajucca bolš za 2,3 miljona čałaviek.
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie11
Kamientary