U Niderłandach z-za śpioki admianili adzin z najbujniejšych fiestyvalaŭ elektronnaj muzyki
Pavodle śviedčańniaŭ vidavočcaŭ, muzyka prosta abarvałasia, a pra poŭnuju admienu mnohija daviedalisia z sacyjalnych sietak.
U haradku Bidynhchiojzien admianili Defqon.1 — adzin z najbujniejšych fiestyvalaŭ elektronnaj muzyki. Pryčynaj stała ekstremalnaja śpioka: mieteasłužby abviaścili čyrvony ŭzrovień pahodnaj niebiaśpieki, a tempieratura ŭ asobnych rajonach krainy moža padniacca amal da 40 hradusaŭ. Rašeńnie ab admienie było pryniata sumiesna z uładami, piša Bild.
Spačatku arhanizatary sprabavali prosta skaracić kolkaść haściej i nie puskać na placoŭku naviedvalnikaŭ ź dzionnymi biletami na siońnia i zaŭtra. Ale ŭ vyniku fiestyval daviałosia admianić całkam.
Dla tych, chto ŭžo pryjechaŭ, heta stała niepryjemnym siurpryzam: pavodle śviedčańniaŭ vidavočcaŭ, muzyka prosta abarvałasia, a pra poŭnuju admienu mnohija daviedalisia z sacyjalnych sietak.
Pavodle źviestak vydańnia NL Times, sioleta ŭ kiempinhu fiestyvalu čakali 58 tysiač čałaviek, a jašče pa 15 tysiač pavinny byli pryjazdžać štodnia pa dzionnych biletach.
Ciapier naviedvalnikam treba pakinuć placoŭku, a tym, chto jašče nie pryjechaŭ, arhanizatary rajać nie jechać, bo ich usio roŭna nie puściać. Košt biletaŭ abiacajuć kampiensavać, ale detali pakul udakładniajucca.
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary