У Нідэрландах з-за спёкі адмянілі адзін з найбуйнейшых фестываляў электроннай музыкі
Паводле сведчанняў відавочцаў, музыка проста абарвалася, а пра поўную адмену многія даведаліся з сацыяльных сетак.
У гарадку Бідынгхёйзен адмянілі Defqon.1 — адзін з найбуйнейшых фестываляў электроннай музыкі. Прычынай стала экстрэмальная спёка: метэаслужбы абвясцілі чырвоны ўзровень пагоднай небяспекі, а тэмпература ў асобных раёнах краіны можа падняцца амаль да 40 градусаў. Рашэнне аб адмене было прынята сумесна з уладамі, піша Bild.
Спачатку арганізатары спрабавалі проста скараціць колькасць гасцей і не пускаць на пляцоўку наведвальнікаў з дзённымі білетамі на сёння і заўтра. Але ў выніку фестываль давялося адмяніць цалкам.
Для тых, хто ўжо прыехаў, гэта стала непрыемным сюрпрызам: паводле сведчанняў відавочцаў, музыка проста абарвалася, а пра поўную адмену многія даведаліся з сацыяльных сетак.
Паводле звестак выдання NL Times, сёлета ў кемпінгу фестывалю чакалі 58 тысяч чалавек, а яшчэ па 15 тысяч павінны былі прыязджаць штодня па дзённых білетах.
Цяпер наведвальнікам трэба пакінуць пляцоўку, а тым, хто яшчэ не прыехаў, арганізатары раяць не ехаць, бо іх усё роўна не пусцяць. Кошт білетаў абяцаюць кампенсаваць, але дэталі пакуль удакладняюцца.
Той самы масажыст расказаў, навошта здымаў голых кліентак2
Каментары