Kanapackaja aśmialeła: vyhavorvaje Łukašenku za nierašučaść, zaklikaje abvieścić vajennaje stanovišča i pravieści mabilizacyju
«Spačatku skamiečana-bajaźlivyja vybačeńni niezrazumieła pierad kim, niezrazumieła za što, potym paŭtara sutak marynadu temy drona pa aŭtobusie z našymi dziećmi, a ciapier maŭčanka pa retranślatarach (pahasili/nie pahasili?» — pastaviła jana Łukašenku da pazornaha słupa.
Dvuchrazovaja sparynh-partniorka Alaksandra Łukašenki na prezidenckich vybarach Hanna Kanapackaja (ciapier pa pašparcie Truchanovič) rezka vykazałasia ŭ sacyjalnych sietkach nakont situacyi ŭ Biełarusi i ŭ rehijonie. Jana ni razu nie nazvała Łukašenku pa imieni, ale pryśviaciła jamu niekalki tezisaŭ na miažy dazvolenaha.
Kanapackaja zajaviła, što dla Łukašenki 2030 elektaralny hod — «miaža aściarožnych maraŭ», i što «ŭžo zaraz adčuvajecca štości nie toje i niejak usio nie zusim tudy».
«Spačatku skamiečana-bajaźlivyja vybačeńni niezrazumieła pierad kim, niezrazumieła za što, potym paŭtara sutak marynadu temy drona pa aŭtobusie z našymi dziećmi, a ciapier maŭčanka pa retranślatarach (pahasili/nie pahasili?). Ujaŭlaju, jakija prynižeńni pralilisia ŭ zakrytcy. I nadoŭha palacieć u nieviadomym kirunku praz Maskvu (ci metava — u Maskvu)», — aburyłasia Kanapackaja pavodzinami Łukašenki ŭ apošnija dni.
Jana zaklikała «nie zajmacca hłupstvam, z hałavoj u piasku i tyrčačym na ŭsiu Uschodniuju Jeŭropu ŭkormlenym straŭsinym filejem», a «abviaścić častkovaje vajennaje stanovišča i adkrytuju ahulnuju mabilizacyju».
«Dla pačatku ŭ dapamohu našaj 60‑tysiačnaj armii pryzvać 300 tysiač najaŭnaha mabilizacyjnaha reziervu vajennaabaviazanych, a paśla dadać da ich jašče stolki ž, druhim etapam, u terytaryjalnuju abaronu vajennaprydatnych, davioŭšy kolkaść «štykoŭ u abaronie» da 7—8% nasielnictva», — padličyła Kanapackaja.
«Deficyt žaleza ŭ jajcach «starejšaha» sialanskaje hramadstva vyjaŭlaje i fiksuje vielmi chutka», — znoŭ namiaknuła jana na Łukašenku i zapeŭniła što mabilizacyja pry ekzistencyjnaj pahrozie dla naroda i dziaržavy, zrazumiełaja ŭsim, śpiša ŭsio, jak u časy Stalina.
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary