Dzim Dzimyča bolš nie budzie

Dzim Dzimyč — papularny ŭ dziaciej błohier. Tolki na jutubie ŭ jaho 7 miljonaŭ padpisčykaŭ, na tyktoku — 2,6 miljona. Ale za luboŭ da ružovaha adzieńnia prarasijskaja danosčyca Volha Bondarava i prapahandyst Ryhor Azaronak raniej vinavacili jaho ŭ prapahandzie ŁHBT. Błohiera navat prymusili apraŭdvacca na strymie ŭ Azaronka.

Kampanija «Fłahman Mjuzik», jakaja źviazana ź niaviestkaj Łukašenki Hannaj Siałuk, aktyŭna vykarystoŭvała maładych błohieraŭ dla taho, kab pravodzić ideałahičnuju pracu siarod školnikaŭ.

Niekalki hadoŭ nad hetym plonna pracavała trya, u skład jakoha ŭvachodzili Dzim Dzimyč (Dźmitryj Siŭčyk), Andžyliša (Anhielina Michalova) dy Ulka Pulka (Uljana Stalarova).

Jany nasili mierč Łukašenki, vystupali na «Marafonie adzinstva» ŭ jaho padtrymku i śpiavali viasiołyja pieśni pra luboŭ da radzimy. A za ŭsio heta atrymlivali dobryja hanarary, šmatlikija rekłamnyja kantrakty dy hastroli — u tym liku, i pa Rasii. Navat u akupavany Krym źjeździli.

Pavialičyć

Ale letaś pačałosia dziŭnaje. Spačatku praz kanflikt z kampanii, źviazanaj ź Siałuk, syšła Uljana Stalarova — błohierka, jakaja stvarała vobraz Ulki Pulki samastojna, jašče kali vučyłasia ŭ škole, zastałasia biez usiaho.

Nie biez škadavańnia Uljana raskazvała, što «Fłahman Mjuzik» zabraŭ i tvorčy psieŭdanim, i ŭsie pieśni, i sacsietki dziaŭčyny.

Na zamienu joj «Fłahman Mjuzik» znajšoŭ inšuju dziaŭčynu — 15‑hadovuju minskuju školnicu ź siamji vajskoŭcaŭ Arynu Ramanavu.

Ale pośpiechi ŭ Aryny pakul sumnyja. Jana atrymała ŭ spadčynu YouTube-kanał Stalarovaj z bolš čym 3 miljonami padpisčykaŭ. Ale pieśni novaj Ulki Pulki nie nabirajuć i 2 tysiač prahladaŭ. A kamientatary patrabujuć viarnuć papiaredniuju dziaŭčynu.

Sama ž Uljana pačała svaju historyju z nula — spačatku jak Uljana Stalarova, potym jak Uljana Pula.

Pa šlachu Uljany pajšła i inšaja błohierka «Fłahman Mjuzik» — Andžyliša. Taja sioleta ŭ studzieni zapisała videa, u jakim płakała, raspaviadajučy pra kanflikt z łejbłam.

Adnosna niadaŭna jana zmahła niejak damovicca z «Fłahman Mjuzik», kab tyja dazvolili joj adnavić na muzyčnych placoŭkach pieśni, jakija Anhielina zapisvała ŭžo pad novym psieŭdanimam Andžy.

I voś ciapier syšoŭ apošni z hetych troch muškiecioraŭ łukašenkaŭskaj rekłamy siarod dziaciej.

Imavierna, uličvajučy vopyt siabrovak, Dźmitryj Siŭčyk vyrašyŭ syści z «Fłahman Mjuzik» biez skandału. Jon zapisaŭ niejtralnaje videa, u jakim raspavioŭ, što Dzim Dzimyča bolš isnavać nie budzie:

— Ja dumaju, amal kožny pamiataje chłopca ŭ ružovaj panamcy, jaki śpiavaje dziciačyja pieśni. Za piać hadoŭ na maje sacyjalnyja sietki padpisałasia bolš za 10 miljonaŭ čałaviek. Ale para raści. Ja ŭpeŭnieny, što chłopcy i dziaŭčynki, jakija hladzieli mianie ŭ dziacinstvie, užo vyraśli. Razam z vami vyras i ja. Nadyšoŭ čas pakinuć vobraz i być z vami sapraŭdnym. Z hetaha dnia ja pačynaju novy šlach — šlach Dzimy Siŭčyka. I hety šlach nie tolki pra błohierstva i pracu ŭ kadry (i pa-za kadram). Ale pra ŭsio pastupova.

Jon nie kaža ni słova pra razryŭ pracoŭnych adnosin z «Fłahman Mjuzik». Ale z aficyjnaha sajta łejbła chłopiec źnik — jašče ŭ mai jon byŭ na druhim miescy ŭ śpisie samych paśpiachovych prajektaŭ (paśla błohiera Ułada Kabiakova). Prybrali Siŭčyka i ź instahrama kampanii.

Jak daviedałasia «Naša Niva», chłopiec sapraŭdy pakinuŭ «Fłahman Mjuzik» i ciapier płanuje zajmacca svaim prasoŭvańniem samastojna. Taksama Siŭčyk sprabuje siabie i ŭ jakaści pradziusara — zaraz jon zajmajecca raskrutkaj školnicy-błohierki Darji Pietrukovič, jakaja vystupaje pad psieŭdanimam Daša Darimi.

@sivchikmusic

Načinajem novyj puť

♬ orihinalnyj zvuk - Dima Sivčik

• 1
• 0
• 21
• 13
• 0
• 1
• 0
• 0