U noč na 26 červienia nad Homielem pralataŭ i, mahčyma, vybuchnuŭ bieśpiłotny latalny aparat. Žychary śćviardžajuć, što kala 3‑j hadziny čuli huk, charakterny dla palotu vajennaha bieśpiłotnika, a taksama vybuch. Kala 2‑j hadziny huł bieśpiłotnika čuli ŭ Dobrušy, piša «Fłahštok».
«Miarkujučy pa huku, dron pakružyŭ, to addalajučysia, to nabližajučysia, a potym palacieŭ», — raskazaŭ vidavočca «Fłahštoku».
«Nad Lubienskim huk uzmacniaŭsia, a potym addaliŭsia, nibyta [dron] palacieŭ u bok mosta na Čonki», — napisała jašče adna hamialčanka ŭ adnoj z sacyjalnych sietak.
Niekalki čałaviek paviedamili, što vybuch u Homieli byŭ čutny pamiž 3‑j i 4‑j hadzinami nočy jak minimum u Čyhunačnym rajonie (mikrarajon «Sialmašaŭski») i Savieckim rajonie (mikrarajon «Šviedskaja Horka»).
Ci pralataŭ nad Homielščynaj adzin bieśpiłotnik, ci ich było niekalki, dakładna nieviadoma, jak i toje, jakoj madeli byŭ BPŁA.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary