Baksior Usik dobraachvotna admoviŭsia ad usich svaich čempijonskich pajasoŭ
Słavuty ŭkrainski baksior Alaksandr Usik abviaściŭ, što dobraachvotna vyzvalaje ŭsie čempijonskija pajasy, jakimi vałodaje.
«Ja chaču pakinuć usie svaje pajasy, jakimi siońnia vałodaju, zrabić ich svabodnymi, kab chłopcy, jakija stajać u čarzie za imi, mahli za ich zmahacca», — zajaviŭ Usik u videazvarocie.
Pry hetym ukrainiec padkreśliŭ, što hetaje rašeńnie nie aznačaje zaviaršeńnia im prafiesijnaj karjery. Pavodle słoŭ baksiora, napieradzie ŭ jaho jašče jość Last Dance — jak minimum jašče adzin aficyjny boj.
Usik taksama adznačyŭ, što z pavahaj stavicca da ŭsich baksiorskich arhanizacyj i ŭdziačny im za supracoŭnictva.
Dobraachvotnaja admova ad čempijonskich tytułaŭ — zvyčajnaja praktyka ŭ prafiesijnym boksie. Časta spartsmieny vyzvalajuć pajasy, kab pravieści inšyja značnyja pajadynki, pierajści ŭ inšuju vahavuju katehoryju abo paźbiehnuć abaviazkovych abaron tytułaŭ. Samo pa sabie takoje rašeńnie nie śviedčyć pra zaviaršeńnie karjery.
Brat biełaruskaj karalevy pryhažości trapiŭ u reanimacyju ŭ Azierbajdžanie4
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary